ഓട്ടവ : അമേരിക്കയുമായുള്ള താരിഫ് യുദ്ധവും ഒപ്പം മിഡിൽ ഈസ്റ്റിലെ യുദ്ധം മൂലം പണപ്പെരുപ്പം ഉയരാനുള്ള സാധ്യതയും മുൻനിർത്തി അടിസ്ഥാന പലിശ നിരക്ക് 0.25% വർധിപ്പിച്ച് ബാങ്ക് ഓഫ് കാനഡ. ഇതോടെ അടിസ്ഥാന പലിശ നിരക്ക് 2.50% ആയി ഉയർന്നു. 2023 ജൂലൈക്ക് ശേഷം ഇതാദ്യമായാണ് സെൻട്രൽ ബാങ്ക് പലിശ നിരക്ക് വർധന നടപ്പിലാക്കുന്നത്. ഇന്ധനവിലയിലുണ്ടാകുന്ന വർധന സമ്പദ്‌വ്യവസ്ഥയിലുടനീളം വ്യാപിക്കുന്നത് തടയുന്നതിലൂടെ പണപ്പെരുപ്പം നിയന്ത്രിക്കാനാണ് ലക്ഷ്യമിടുന്നതെന്ന് ബാങ്ക് ഓഫ് കാനഡ ഗവർണർ ടിഫ് മാക്ലെം പറഞ്ഞു.
ഒക്ടോബറിലെ മോണിറ്ററി പോളിസി റിപ്പോർട്ടിൽ, ഊർജ്ജ വിലയിലുണ്ടാകുന്ന വർധനയും, അമേരിക്കയുമായുള്ള കാനഡയുടെ വ്യാപാര ബന്ധത്തെക്കുറിച്ചുള്ള അനിശ്ചിതത്വവുമാണ് ജീവിതച്ചെലവ് വർധിക്കുന്നതിന് കാരണമാകുന്ന പ്രധാന രണ്ട് ഘടകങ്ങളെന്ന് ബാങ്ക് ഓഫ് കാനഡ (BOC) ചൂണ്ടിക്കാട്ടി.
