ടൊറൻ്റോ പിയേഴ്സൺ വിമാനത്താവളത്തിൽ നിന്നും നിരോധിത ലഹരിവസ്തുക്കൾ നിറച്ച സ്യൂട്ട്കേസുകൾ പിടികൂടിയതായി കാനഡ ബോർഡർ സർവീസസ് ഏജൻസി (CBSA) റിപ്പോർട്ട് ചെയ്തു. സെപ്റ്റംബർ 3-ന് നടന്ന പരിശോധനയിൽ ശ്രീലങ്കയിലേക്ക് കൊണ്ടുപോകുകയായിരുന്ന, ആകെ 44 കിലോഗ്രാം ഹാഷിഷും 13 കിലോഗ്രാം കൊക്കെയ്നുമാണ് അതിർത്തി ഉദ്യോഗസ്ഥർ പിടിച്ചെടുത്തത്.
സംഭവവുമായി ബന്ധപ്പെട്ട് ഒരാളെ അറസ്റ്റ് ചെയ്യുകയും റോയൽ കനേഡിയൻ മൗണ്ടഡ് പോലീസിന് കൈമാറുകയും ചെയ്തു. പ്രതിയെക്കുറിച്ചോ ചുമത്തിയിരിക്കുന്ന കുറ്റങ്ങളെക്കുറിച്ചോ ഉള്ള വിശദാംശങ്ങൾ പുറത്തുവിട്ടിട്ടില്ല.
