ക്രിക്കറ്റ് ആവേശത്തിലേക്ക് എഡ്മിന്റൻ സിറ്റി. എഡ്മിന്റൻ സെൻ്റ് ജേക്കബ്സ് സിറിയക് ഓർത്തഡോക്സ് പള്ളി ആതിഥേയത്വം വഹിക്കുന്ന ‘സെൻ്റ് ജേക്കബ്സ് കപ്പ്’ (St. Jacob’s Cup) ക്രിക്കറ്റ് ടൂർണമെൻ്റ് ഈ ശനിയാഴ്ചയും ഞായറാഴ്ചയും (സെപ്റ്റംബർ 19-20) എഡ്മിന്റനിൽ അരങ്ങേറും. രാവിലെ 7 മുതൽ വൈകുന്നേരം 7 വരെ എഡ്മിന്റൻ കൊറോണേഷൻ പാർക്കിൽ (11425-142 street NW) നടക്കുന്ന ടൂർണമെൻ്റിൽ 16 ടീമുകൾ ‘സെൻ്റ് ജേക്കബ്സ് കപ്പിനായി മത്സരിക്കും.
ആകെ 6000 ഡോളർ ക്യാഷ് പ്രൈസ് നൽകുന്ന ടൂർണമെൻ്റിൽ എലൈറ്റ് കാറ്റഗറിയിൽ വിജയികളാകുന്ന ടീമിനെ കാത്തിരിക്കുന്നത് 3000 ഡോളറാണ്. റണ്ണേഴ്സ് അപ്പിന് 1500 ഡോളറും സമ്മാനിക്കുമെന്ന് സംഘാടകർ അറിയിച്ചു. പ്രീമിയർ കാറ്റഗറിയിലെ വിജയികൾക്ക് 1000 ഡോളറും റണ്ണേഴ്സ് അപ്പിന് 500 ഡോളറും സമ്മാനമായി നൽകും. പ്ലേയർ ഓഫ് സീരിസ്, ബെസ്റ്റ് ബാറ്റർ, ബെസ്റ്റ് ബൗളർ, ബെസ്റ്റ് ഫീൽഡർ, ബെസ്റ്റ് ആൾറൗണ്ടർ, മാൻ ഓഫ് ദി മാച്ച് തുടങ്ങിയ സമ്മാനങ്ങളും ഒരുക്കിയിട്ടുണ്ട്.
