കനേഡിയൻ ബോക്‌സിങ് ഇതിഹാസ താരം ജോർജ്ജ് ചുവാളോ (89) അന്തരിച്ചു. 1956 മുതൽ 1978 വരെ 22 വർഷത്തെ പ്രൊഫഷണൽ കരിയറിൽ 93 മത്സരങ്ങളിൽ പങ്കെടുത്ത ജോർജ്ജ് ചുവാളോ, 64 നോക്കൗട്ടുകൾ ഉൾപ്പെടെ 73 വിജയങ്ങൾ സ്വന്തമാക്കിയിട്ടുണ്ട്.

ലോക റാങ്കിങ്ങിൽ രണ്ടാം സ്ഥാനം വരെ ഉയർന്ന അദ്ദേഹം അഞ്ചു തവണ കനേഡിയൻ ഹെവിവെയ്റ്റ് കിരീടം ചൂടുകയും രണ്ട് പതിറ്റാണ്ടോളം കനേഡിയൻ ബോക്‌സിങ് രംഗത്ത് ആധിപത്യം പുലർത്തുകയും ചെയ്തു. ലോക ബോക്സിങ് ഹാൾ ഓഫ് ഫെയിം, കാനഡ സ്‌പോർട്സ് ഹാൾ ഓഫ് ഫെയിം, ഓർഡർ ഓഫ് കാനഡ തുടങ്ങിയ നിരവധി പരമോന്നത ബഹുമതികൾ നൽകി രാജ്യം അദ്ദേഹത്തെ ആദരിച്ചിട്ടുണ്ട്.