ലാൻഡിങിനിടെ അമേരിക്കന്‍ എയര്‍ലൈന്‍സ് വിമാനത്തിന്‍റെ രണ്ടു ടയറുകള്‍ പൊട്ടി. തിങ്കളാഴ്ച ഷിക്കാഗോ ഒഹെയര്‍ വിമാനത്താവളത്തിലാണ് സംഭവം. അമേരിക്കന്‍ എയര്‍ലൈന്‍സ് ഫ്ലൈറ്റ് 386 സുരക്ഷിതമായി ലാന്‍ഡ് ചെയ്തതിന് പിന്നാലെയാണ് അപകടമുണ്ടായതെന്ന് ഫെഡറല്‍ ഏവിയേഷന്‍ അഡ്മിനിസ്‌ട്രേഷന്‍ അറിയിച്ചു. ആർക്കും പരിക്കേറ്റിട്ടില്ല.
ലാന്‍ഡിങ്ങിന് ശേഷം വിമാനത്തില്‍ നിന്ന് യാത്രക്കാരെ ടാക്‌സിവേയില്‍ സ്ഥാപിച്ചിരുന്ന പടികള്‍ ഉപയോഗിച്ചാണ് പുറത്തിറക്കിയത്. തുടര്‍ന്ന് യാത്രക്കാരെ ബസുകളില്‍ ടെര്‍മിനലിലേക്ക് മാറ്റി. ലാ ഗാര്‍ഡിയ വിമാനത്താവളത്തില്‍ നിന്ന് പുറപ്പെട്ട വിമാനം തിങ്കളാഴ്ച അമേരിക്കന്‍ സമയം ഉച്ചയ്ക്ക രണ്ടോടെയാണ് ഒഹെയറില്‍ ലാന്‍ഡ് ചെയ്തത്. സംഭവത്തെ തുടര്‍ന്ന് ബോയിങ് 737-800 വിമാനം പരിശോധനയ്ക്കായി സര്‍വീസില്‍ നിന്ന് മാറ്റിയതായി അമേരിക്കന്‍ എയര്‍ലൈന്‍സ് അറിയിച്ചു.
