ആൽബർട്ടയിൽ മലയാളി യുവാവ് നിര്യാതനായി. ആൽബർട്ട ഹെൽത്ത് സർവീസസ് (AHS) ജീവനക്കാരനും മലപ്പുറം പെരിന്തൽമണ്ണ മലപ്പറമ്പ് സ്വദേശിയുമായ ജിൻ്റോ ജോസാണ് മരിച്ചത്. 40 വയസ്സായിരുന്നു. 2012-ലാണ് ജിൻ്റോ കാനഡയിലെത്തിയത്. കഴിഞ്ഞ പത്ത് വർഷത്തിലേറെയായി ആൽബർട്ട ഹെൽത്ത് സർവീസസിൽ സേവനമനുഷ്ഠിച്ചു വരികയായിരുന്നു.
സൗമ്യമായ പെരുമാറ്റം കൊണ്ടും ക്രിയാത്മക ഇടപെടൽ കൊണ്ടും ശ്രദ്ധേയനായിരുന്നു ജിൻ്റോ. വിവിധ സാമൂഹിക-കാരുണ്യ പ്രവർത്തനങ്ങളിൽ സജീവ സാന്നിധ്യമായിരുന്ന ജിൻ്റോ ആൽബർട്ടയിലെ മലയാളി കമ്മ്യൂണിറ്റിയിൽ ശ്രദ്ധേയനായിരുന്നു. ഭാര്യ ജാസ്മിൻ ജിൻ്റോ. മക്കൾ : സാൻ ജോസ് ജിൻ്റോ, സിയ മരിയ ജിൻ്റോ.
