ജൂലൈയിലെ ഏഴാമത്തെ എക്സ്പ്രസ് എൻട്രി നറുക്കെടുപ്പിൽ ഇമിഗ്രേഷൻ, റെഫ്യൂജീസ്, സിറ്റിസൺഷിപ്പ് കാനഡ (IRCC) സ്ഥിര താമസത്തിന് അപേക്ഷിക്കാൻ 5,000 ഉദ്യോഗാർത്ഥികൾക്ക് ഇൻവിറ്റേഷൻ നൽകി. ഫ്രഞ്ച് ലാംഗ്വേജ് പ്രൊവിഷ്യൻസി വിഭാഗത്തിൽ ജൂലൈ 22-ന് നടന്ന ഈ നറുക്കെടുപ്പിലെ കോംപ്രിഹെൻസീവ് റാങ്കിംഗ് സിസ്റ്റം കട്ട്ഓഫ് 399 ആയിരുന്നു. ഇത് ജൂലൈ 9-ന് നടന്ന ഈ വിഭാഗത്തിലെ എക്സ്പ്രസ് എൻട്രി നറുക്കെടുപ്പുമായി താരതമ്യം ചെയ്യുമ്പോൾ 21 പോയിൻ്റിന്റെ കുത്തനെ ഇടിവാണ് രേഖപ്പെടുത്തിയത്. കൂടാതെ മാർച്ച് 18-ന് 393-ൽ എത്തിയതിനുശേഷം, 4,000 ഇൻവിറ്റേഷൻ നൽകിയ ഏതൊരു ഫ്രഞ്ച് ഭാഷാ നറുക്കെടുപ്പിലും ഏറ്റവും കുറഞ്ഞ കട്ട്ഓഫാണിത്.
ഇന്നലെ നടന്ന എക്സ്പ്രസ് എൻട്രി നറുക്കെടുപ്പും കൂടി കൂട്ടുമ്പോൾ ഈ മാസത്തെ മൊത്തം ഇൻവിറ്റേഷനുകളുടെ എണ്ണം 15,545 ആയി. 2026-ൽ IRCC 41 എക്സ്പ്രസ് എൻട്രി നറുക്കെടുപ്പുകൾ നടത്തിയിട്ടുണ്ട്. ഈ നറുക്കെടുപ്പുകളിലൂടെ ആകെ 104,612 അപേക്ഷകർക്ക് ഐആർസിസി ഇൻവിറ്റേഷൻ നൽകി.
