ഒൻ്റാരിയോയിലെ വാഹന നിർമ്മാണ പ്ലാൻ്റായ സ്റ്റെല്ലാൻ്റിസ് ബ്രാംപ്ടൺ അസംബ്ലി പ്ലാൻ്റ് കമ്പനി വിറ്റഴിച്ചതായി തൊഴിലാളി യൂണിയനായ ‘യൂണിഫോർ’ അറിയിച്ചു. പ്ലാൻ്റ് വിറ്റെന്ന റിപ്പോർട്ടുകളെക്കുറിച്ച് ചർച്ച ചെയ്യുന്നതിനായി സ്റ്റെല്ലാൻ്റിസ് അധികൃതരുമായി കൂടിക്കാഴ്ച നടത്തിയതായും യൂണിയൻ വെളിപ്പെടുത്തി. എന്നാൽ, പ്ലാൻ്റ് കൈമാറ്റം പൂർത്തിയായെന്ന കാര്യം സ്ഥിരീകരിക്കാനോ നിഷേധിക്കാനോ കമ്പനി അധികൃതർ തയ്യാറായിട്ടില്ല.
ബ്രാംപ്ടൺ ആസ്ഥാനമായി പ്രവർത്തിക്കുന്ന, കവചിത വാഹനങ്ങൾ നിർമ്മിക്കുന്ന ‘റോഷൽ’ (Roshel) എന്ന കമ്പനിയ്ക്ക് പ്ലാൻ്റ് കൈമാറുന്നത് സംബന്ധിച്ച് കഴിഞ്ഞ സെപ്റ്റംബറിൽ സ്റ്റെല്ലാൻ്റിസ് പ്രാഥമിക ധാരണാപത്രത്തിൽ ഒപ്പുവെച്ചിരുന്നു. അതേസമയം വിൽപനയേക്കുറിച്ച് കൂടുതൽ പ്രതികരിക്കാനില്ലെന്നാണ് സ്റ്റെല്ലാൻ്റിസ്, റോഷെൽ കമ്പനികളുടെ വക്താക്കൾ അറിയിച്ചത്.
