യുഎസില് കരടിയുടെ ആക്രമണത്തില് രണ്ടു കൗമാരക്കാര്ക്ക് പരിക്കേറ്റു. സിയാറ്റിലിനു സമീപം മൗണ്ട് സൈ പര്വതത്തിനു സമീപത്താണ് ഇവർ കരടി ആക്രമണം നേരിടേണ്ടി വന്നത്. മൗണ്ട് സൈയിലൂടെ ഒരു സംഘം കാല്നടയാത്ര നടത്തുന്നതിനിടെയാണ് കരടി സംഘത്തിന് നേരെ പാഞ്ഞടുക്കുകയായിരുന്നുവെന്നു. ഓടി രക്ഷപെടുന്നതിനിടെ ഒരാള് ഒറ്റപ്പെട്ടു. ഇയാളെ കരടി ആക്രമിക്കുകയായിരുന്നു.
ആക്രമണത്തില് പരിക്കേറ്റ കൗമാരക്കാരന് ഓടി രക്ഷപെട്ടു. സംഭവസ്ഥലത്ത് നിന്ന് ഓടി രക്ഷപ്പെടുന്നതിനിടെ വീണ് കണങ്കാല് മുറിഞ്ഞതാണ് രണ്ടാമത്തെ കൗമാരക്കാരന് പരിക്കേറ്റതെന്ന് അധികൃതര് പറഞ്ഞു. കരടിയെ കണ്ടെത്തുന്നതിനായി വാഷിങ്ടണ് ഫിഷ് ആന്ഡ് വൈല്ഡ് ലൈഫ് വകുപ്പ് തിരച്ചില് ആരംഭിച്ചിട്ടുണ്ട്. മൗണ്ട് സൈയിലെ ട്രയലുകള് അടച്ചുപൂട്ടി.
