കാനഡയിലെ ഫസ്റ്റ് നേഷൻ കമ്മ്യൂണിറ്റികൾക്ക് ലോണുകൾ ലഭിക്കുന്നതിലെ തടസ്സങ്ങൾ നീങ്ങുന്നതായി റിപ്പോർട്ട്. സ്വന്തമായി ധനകാര്യ സ്ഥാപനങ്ങൾ തുടങ്ങി സാമ്പത്തിക രംഗത്ത് പുതിയ വഴി വെട്ടിത്തെളിക്കുകയാണ് തദ്ദേശീയ ജനത. കഴിഞ്ഞ ഒക്ടോബറിൽ തുടങ്ങിയ ‘സീഡാർ ലീഫ് ക്യാപിറ്റൽ’, ഈ മാസം ആരംഭിച്ച ‘ഫസ്റ്റ് നേഷൻസ് ഫിനാൻഷ്യൽ മാർക്കറ്റ്സ്’ എന്നിവ ഈ പുതിയ മാറ്റത്തിന് ഉദാഹരണങ്ങളാണ്. ഇത്തരം സ്ഥാപനങ്ങളെല്ലാം തദ്ദേശീയരുടെ ഭൂരിപക്ഷ ഉടമസ്ഥതയിലുള്ളതാണ്. തങ്ങളുടെ സമൂഹത്തിന് ലാഭമുണ്ടാക്കുക എന്നതിനൊപ്പം, സാമ്പത്തിക സമത്വം ഉറപ്പാക്കുക, തദ്ദേശീയ സമൂഹത്തിന്റെ സാമ്പത്തിക ശേഷി വർധിപ്പിക്കുക എന്നിവയും ഈ സ്ഥാപനങ്ങളുടെ ലക്ഷ്യമാണ്.
പുതിയ സ്ഥാപനങ്ങളുടെ ഈ രംഗത്തേക്കുള്ള കടന്നുവരവ്, ഫസ്റ്റ് നേഷൻ ജനതയ്ക്ക് പ്രധാന പദ്ധതികളിൽ പങ്കാളികളാകാനും, കുറഞ്ഞ പലിശ നിരക്കിൽ വായ്പകൾ നേടാനും സഹായകമാകുമെന്ന് വിദഗ്ധർ അഭിപ്രായപ്പെടുന്നു.
