ഇറാന്-ഇസ്രയേല്‍ സംഘര്‍ഷം കാരണം കാനഡയിലുടനീളം പെട്രോള്‍-ഡീസല്‍ വില കുതിച്ചുയരുന്നു. വടക്കന്‍ ഒന്റാരിയോയില്‍ ലിറ്ററിന് 18 സെന്റ് വര്‍ധന രേഖപ്പെടുത്തിയപ്പോള്‍ നോവസ്‌കോഷയില്‍ ഡീസല്‍ വില ഏഴ് ദിവസത്തിനുള്ളില്‍ വീണ്ടും ലിറ്ററിന് 16 സെന്റ് വര്‍ധിച്ചു. ഇറാന്-ഇസ്രയേല്‍ സംഘര്‍ഷം വിപണി അസ്ഥിരതയ്ക്ക് കാരണമാകുന്നു. ഇത് എണ്ണയുടെ വിതരണത്തെയും ആവശ്യകതയെയും ബാധിക്കുന്നതായി പെട്രോളിയം അനലിസ്റ്റ് പാട്രിക് ഡി ഹാന്‍ പറയുന്നു. ഇന്ധനവില കുറയ്ക്കാന്‍ നടപടി സ്വീകരിച്ചില്ലെങ്കില്‍ ഈ പ്രവണത തുടരുമെന്നും അദ്ദേഹം മുന്നറിയിപ്പ് നല്‍കി.
അതേസമയം ഡീസല്‍ വില വര്‍ധന ദീര്‍ഘദൂര ട്രക്കിങ് കമ്പനികള്‍ക്ക് കടുത്ത സാമ്പത്തിക ആഘാതമാണ് സൃഷ്ടിക്കുന്നത്. ആഴ്ചയില്‍ ഒന്നിലധികം തവണ ഡീസല്‍ നിറയ്ക്കുന്ന ട്രക്കുകള്‍ക്ക് ഇന്ധനച്ചെലവിലെ ഈ വര്‍ധന സൃഷ്ടിക്കുന്ന പ്രത്യാഘാതങ്ങള്‍ ചെറുതല്ലെന്ന് കനേഡിയന്‍ ട്രക്കിങ് അസോസിയേഷന്‍ കമ്മ്യൂണിക്കേഷന്‍സ് ഡയറക്ടര്‍ മാര്‍ക്കോ ബെഗെറ്റോ പറയുന്നു.
