ലോകത്താകമാനം പാർശ്വവൽക്കരിക്കപ്പെട്ടവർക്കായി പ്രവർത്തിക്കുന്ന വേൾഡ് പീസ് മിഷന്റെ ആഫ്രിക്കൻ മേഖലയിലെ ചാരിറ്റി പ്രവർത്തനങ്ങൾക്ക് അന്താരാഷ്ട്ര അംഗീകാരം. ആഫ്രിക്കയിലെ വിവിധ പ്രദേശങ്ങളിൽ സംഘടന നടത്തിവരുന്ന ജീവകാരുണ്യ സേവനങ്ങളെ മാനിച്ച്, പ്രദേശത്തെ സാമൂഹിക സന്നദ്ധ കൂട്ടായ്മയായ AGOCM (ആഫ്രിക്കൻ ഗുഡ് സമരിറ്റൻ ഓർഗനൈസേഷൻസ് ആൻഡ് ക്രിസ്ത്യൻ മിഷണറീസ്) സംഘടനയെ പുരസ്കാരവും പ്രശംസാപത്രവും നൽകി ആദരിച്ചു.
പസി വിശപ്പകറ്റൽ, വിദ്യാഭ്യാസം, ആരോഗ്യം, വനിതാ-യുവജന മുന്നേറ്റം, പരിസ്ഥിതി സംരക്ഷണം, സമാധാന സന്ദേശ പ്രചാരണം തുടങ്ങിയ വൈവിധ്യമാർന്ന മേഖലകളിലാണ് വേൾഡ് പീസ് മിഷൻ ശ്രദ്ധേയമായ ഇടപെടലുകൾ നടത്തുന്നത്. ഇത്തരം സത്പ്രവൃത്തികൾ ആഫ്രിക്കൻ ജനതയുടെ ജീവിതത്തിൽ വലിയ പ്രതീക്ഷയും കാതലായ മാറ്റങ്ങളുമാണ് കൊണ്ടുവരുന്നതെന്ന് AGOCM ഭാരവാഹികൾ സാക്ഷ്യപ്പെടുത്തി.
സ്ഥാപക ചെയർമാൻ ഡോ. സണ്ണി സ്റ്റീഫന്റെ നേതൃത്വത്തിൽ വർഗ്ഗ-മത-ലിംഗ ഭേദമന്യേ സർവ്വ ജീവജാലങ്ങളിലേക്കും എത്തിച്ചേരുന്ന സേവന ശൈലിയാണ് സംഘടന പിന്തുടരുന്നത്. “ഒറ്റ ഹൃദയം, ഒറ്റ ലോകം” എന്ന കാഴ്ചപ്പാടിൽ ഊന്നിയുള്ള ഈ ചാരിറ്റി മാതൃക ലോകത്തിന് തന്നെ വലിയൊരു മാതൃകയാണെന്ന് ആഫ്രിക്കൻ പ്രതിനിധികൾ അഭിപ്രായപ്പെട്ടു.
ആഫ്രിക്കയിലെ പ്രാദേശിക കൂട്ടായ്മകളുമായി ചേർന്ന് ഇനിയും കൂടുതൽ ക്ഷേമപദ്ധതികൾ വ്യാപിപ്പിക്കുമെന്നും, ലോകസമാധാനവും മാനവികതയും ഉറപ്പുവരുത്താൻ മിഷൻ പ്രതിജ്ഞാബദ്ധമാണെന്നും പ്രതിനിധി മാർക്സൺ ധനസ്വാമി അറിയിച്ചു. കൂടുതൽ വിവരങ്ങൾക്കും അമേരിക്ക സന്ദർശനത്തിലുള്ള ഡോ. സണ്ണി സ്റ്റീഫനുമായി ബന്ധപ്പെടുന്നതിനുമായി +91 94471 54999 എന്ന വാട്സ്ആപ്പ് നമ്പറിലേക്ക് സന്ദേശമയക്കാവുന്നതാണ്.
