ന്യൂഫൗണ്ട്‌ലാൻഡ് ആൻഡ് ലാബ്രഡോറിൽ പടർന്നു പിടിക്കുന്ന കാട്ടുതീയെ തുടർന്ന് ജനങ്ങൾക്ക് അടിയന്തര ഒഴിപ്പിക്കൽ ജാഗ്രതാ നിർദ്ദേശം നൽകി. ലാബ്രഡോർ സിറ്റിക്ക് സമീപമുള്ള വാൽഷ് റിവർ മേഖലയിൽ താമസിക്കുന്നവർ സുരക്ഷിത സ്ഥലത്തേക്ക് മാറണമെന്ന് അധികൃതർ നിർദ്ദേശിച്ചു. ലാബ്രഡോർ സിറ്റിയിൽ നിന്നും വെറും എട്ട് കിലോമീറ്റർ മാത്രം അകലെയാണ് തീ പടരുന്നത്.
കാട്ടുതീ നിയന്ത്രണ പ്രവർത്തനങ്ങൾ ഊർജ്ജിതമാക്കിയതായി ഫോറസ്ട്രി, അഗ്രികൾച്ചർ ആൻഡ് ലാൻഡ്സ് വകുപ്പ് അറിയിച്ചു. വാട്ടർ ബോംബർ വിമാനങ്ങൾ ഉപയോഗിച്ചാണ് നിലവിൽ കാട്ടുതീ പ്രതിരോധ പ്രവർത്തനങ്ങൾ നടത്തുന്നത്. തീ അതിവേഗം പടരാൻ സാധ്യതയുള്ളതിനാൽ സമീപത്തെ ക്യാമ്പ് ഗ്രൗണ്ടുകളിലും ഗോൾഫ് കോഴ്സിലുമുള്ള ആളുകളോട് എപ്പോൾ വേണമെങ്കിലും ഒഴിഞ്ഞുപോകാൻ തയ്യാറായിരിക്കണമെന്ന് റോയൽ ന്യൂഫൗണ്ട്‌ലാൻഡ് കോൺസ്റ്റാബുലറി (ആർ.എൻ.സി) നിർദ്ദേശം നൽകി.
