ഇസ്താംബൂളിന് സമീപം മർമറ കടലിൽ തുർക്കി പതാകയുള്ള രണ്ട് ചരക്കുകപ്പലുകൾ കൂട്ടിയിടിച്ചതായി ഇസ്താംബൂൾ ഗവർണറുടെ ഓഫീസിനെ ഉദ്ധരിച്ച് റോയിട്ടേഴ്സ് റിപ്പോർട്ട് ചെയ്തു.
അപകടത്തിൽപ്പെട്ട ഒരു കപ്പലിലെ 10 ജീവനക്കാരെ കാണാതായിട്ടുണ്ട്. ഇവർക്കായുള്ള തിരച്ചിലിനും രക്ഷാപ്രവർത്തനത്തിനുമായി കോസ്റ്റ് ഗാർഡ് കപ്പലുകളും ഹെലികോപ്റ്ററുകളും സംഭവസ്ഥലത്തേക്ക് തിരിച്ചു. അപകടത്തിൽപ്പെട്ട ഒരു കപ്പലിന് ദൃശ്യമായ കേടുപാടുകളൊന്നുമില്ലെങ്കിലും, രണ്ടാമത്തെ കപ്പലിലെ 10 ജീവനക്കാരുമായി ബന്ധപ്പെടാൻ അധികൃതർക്ക് ഇതുവരെ സാധിച്ചിട്ടില്ല.
