രാജ്യത്തെ വിവിധ പ്രവിശ്യകൾ കേന്ദ്രീകരിച്ച് പ്രവർത്തിക്കുന്ന ട്രാവലിംഗ് ക്രൈം ഗ്രൂപ്പ്സ് കാൽഗറിയിൽ എത്തിയതായി റിപ്പോർട്ട്. ഈ സംഘം വടക്കുപടിഞ്ഞാറൻ, തെക്കൻ കാൽഗറി മേഖലകളിലെ ആഡംബര വീടുകളാണ് ഇവർ ലക്ഷ്യമിടുന്നത്. ഈ വർഷം കാൽഗറിയിൽ റിപ്പോർട്ട് ചെയ്ത നാൽപ്പതിലധികം ആസൂത്രിത മോഷണങ്ങൾക്ക് പിന്നിൽ ഈ സംഘമാണെന്നാണ് റിപ്പോർട്ട്.
വൈകുന്നേരം 6 മണിക്കും 8 മണിക്കും ഇടയിൽ വീടുകളുടെ പിൻവാതിലുകളോ ജനലുകളോ പരിശോധിച്ച് സുരക്ഷാ പാളിച്ചകൾ മുതലെടുത്താണ് മോഷണം നടത്തുന്നത്. ഈ സാഹചര്യത്തിൽ വാതിലുകളും ജനലുകളും കൃത്യമായി അടച്ചിട്ടുണ്ടെന്ന് ഉറപ്പുവരുത്തണം. സംശയാസ്പദമായി എന്തെങ്കിലും ശ്രദ്ധയിൽപ്പെട്ടാൽ ഉടൻ തന്നെ പോലീസിനെ വിവരമറിയിക്കണമെന്നും അധികൃതർ കർശന നിർദ്ദേശം നൽകി. കുറ്റകൃത്യങ്ങൾ തടയുന്നതിനും ബോധവത്കരണത്തിനുമായി നഗരത്തിലെ പ്രമുഖ റെസിഡൻഷ്യൽ തെരുവുകളിൽ പൊലീസ് മുന്നറിയിപ്പ് ബോർഡുകൾ സ്ഥാപിച്ചിട്ടുണ്ട്. ഡിജിറ്റൽ, സമൂഹമാധ്യമങ്ങളിലൂടെയും ബോധവൽക്കരണ ശ്രമങ്ങൾ ആരംഭിച്ചതായി കാൽഗറി പോലീസ് പറയുന്നു.
