വടക്കേ അമേരിക്കയിലെ ക്‌നാനായ സമൂഹത്തിന്‍റെ ഏറ്റവും വലിയ ദേശീയ കുടുംബസംഗമമായ 16-ാമത് KCCNA (Knanaya Catholic Congress of North America) കണ്‍വെന്‍ഷന് ഇന്ന് ഫ്ലോറിഡയിലെ അത്യാധുനിക ബ്രൗവാര്‍ഡ് കൗണ്ടി കണ്‍വെന്‍ഷന്‍ സെന്‍ററില്‍ തുടക്കമാകും. നാല് ദിവസങ്ങളിലായി നടക്കുന്ന ഈ ദേശീയ മഹാസംഗമത്തില്‍ അമേരിക്കയിലെയും കാനഡയിലെയും 25 യൂണിറ്റുകളില്‍ നിന്നായി നാലായിരത്തോളം പ്രതിനിധികളും കുടുംബാംഗങ്ങളും പങ്കെടുക്കും.

ഇന്ന് രാവിലെ 9:00 മണിക്ക് രജിസ്‌ട്രേഷന്‍ ആരംഭിക്കുന്നതോടെ കണ്‍വെന്‍ഷന് ഔദ്യോഗിക തുടക്കമാകും. ഇന്ന് വൈകിട്ട് 4:30 ന് KCCNA സ്പിരിച്വല്‍ ഡയറക്ടര്‍ ഫാ. ബോബന്‍ വട്ടംപുറത്ത്, KCASF (മയാമി) സ്പിരിച്വല്‍ ഡയറക്ടര്‍ ഫാ. സജി പിണര്‍ക്കയില്‍, ഫാ. തോമസ് താഴപ്പള്ളില്‍, ഫാ. ബിജു പാട്ടശ്ശേരില്‍ നേതൃത്വത്തില്‍ അര്‍പ്പിക്കപ്പെടുന്ന വിശുദ്ധ കുര്‍ബാനയ്ക്ക് ശേഷം നടക്കുന്ന ഉദ്ഘാടന സമ്മേളനത്തില്‍ മിസോറി സിറ്റി മേയര്‍ റോബിന്‍ ഇലക്കാട്ട് മുഖ്യാതിഥിയായിരിക്കും. KCCNA പ്രസിഡൻ്റ് ജയിംസ് ഇല്ലിക്കല്‍, കണ്‍വെന്‍ഷന്‍ ചെയര്‍മാന്‍ ജോബി ഊരാളില്‍, എക്‌സിക്യൂട്ടീവ് വൈസ് പ്രസിഡൻ്റ് സിജു ചെരുവന്‍കാലായില്‍ (ന്യൂയോര്‍ക്ക്), ജനറല്‍ സെക്രട്ടറി വിപിന്‍ ചാലുങ്കല്‍ (ഷിക്കാഗോ), ജോയിൻ്റ് സെക്രട്ടറി ഡോ. സൂസന്‍ തെങ്ങുംതറയില്‍ (സാന്‍ ഹൊസെ), ട്രഷറര്‍ ജോജോ തറയില്‍ (ഹ്യൂസ്റ്റണ്‍), വൈസ് പ്രസിഡൻ്റ് ജേക്കബ് കുസുമാലയം (ന്യൂയോര്‍ക്ക്), ജോയിൻ്റ് ട്രഷറര്‍ ജെസ്നി കൊട്ടിയാനിക്കല്‍ (അറ്റ്‌ലാന്‍റ), ആതിഥേയ യൂണിറ്റ് നേതാക്കള്‍, ദേശീയ ഭാരവാഹികള്‍, വൈദികര്‍, വിശിഷ്ടാതിഥികള്‍ എന്നിവര്‍ ഉദ്ഘാടന സമ്മേളനത്തില്‍ പങ്കെടുക്കും.