എഡ്മിന്‍റനിൽ കരാട്ടെ പരിശീലനം നൽകുന്ന SIMAA കരാട്ടെ എഡ്മിന്‍റൻ കരാട്ടെ ബെൽറ്റ് ഗ്രേഡിംഗ് ചടങ്ങ് വിജയകരമായി സംഘടിപ്പിച്ചു. ജൂൺ 13 ശനിയാഴ്ച നടന്ന ചടങ്ങിൽ ഫാ. തോമസ് പൂത്തിക്കോട്ട്, റെജോ മാത്യു (റിയൽറ്റർ) എന്നിവർ മുഖ്യാതിഥികളായിരുന്നു. ഇരുവരും ചേർന്ന് വിദ്യാർത്ഥികൾക്ക് ബെൽറ്റ് സർട്ടിഫിക്കറ്റുകൾ വിതരണം ചെയ്തു. ചടങ്ങിൽ Blue Belt, Green Belt, Orange Belt, Yellow Belt വിഭാഗങ്ങളിലായി നിരവധി വിദ്യാർത്ഥികൾ അവരുടെ പുതിയ ബെൽറ്റ് നിലവാരങ്ങളിലേക്ക് ഉയർന്നു.
ചീഫ് ഇൻസ്ട്രക്ടറും എക്സാമിനറുമായ ഹാൻഷി ഷാജു പോൾ, റെൻഷി ഷീലു ജോസഫ്, ചീഫ് ഇൻസ്ട്രക്ടർ അബി നെല്ലിക്കൽ ബെൽറ്റ് ഗ്രേഡിംഗ് ചടങ്ങ് ഏകോപിപ്പിക്കുകയും വിദ്യാർത്ഥികൾക്ക് ആവശ്യമായ മാർഗ്ഗനിർദ്ദേശം നൽകുകയും ചെയ്തു. സന്തോഷവും ആവേശവും നിറഞ്ഞ അന്തരീക്ഷത്തിൽ നടന്ന ചടങ്ങിൽ രക്ഷിതാക്കളും കുടുംബാംഗങ്ങളും സുഹൃത്തുക്കളും ഉൾപ്പെടെ നിരവധി പേർ പങ്കെടുത്തു.
രക്ഷിതാക്കളുടെ തുടർച്ചയായ പിന്തുണയ്ക്കും വിദ്യാർത്ഥികളുടെ സമർപ്പണത്തിനും നന്ദി അറിയിച്ചുകൊണ്ടാണ് ചടങ്ങ് സമാപിച്ചത്. ബൈജു ബാബു, ചാർളി എബ്രഹാം വിശിഷ്ടാതിഥികൾക്ക് ആദരസൂചകമായി സ്നേഹോപഹാരങ്ങൾ കൈമാറി. തുടർന്ന് വർഗീസ് ജോബ് നന്ദി അർപ്പിച്ചു.
