വയനാട് മാനന്തവാടി വെള്ളമുണ്ടയിലെ ഏഴ് കുടുംബങ്ങളുടെ നീണ്ടകാലത്തെ കുടിവെള്ള ബുദ്ധിമുട്ടുകൾക്ക് ലുലു ഗ്രൂപ്പ് ചെയർമാൻ എം.എ. യൂസഫലി അറുതിവരുത്തി. വെള്ളമുണ്ട സ്വദേശിയായ റഹീബ് അബ്ദുള്ള എന്ന വ്യക്തി സമൂഹമാധ്യമത്തിലൂടെ തങ്ങളുടെ പ്രദേശത്ത് ഒരു കിണർ നിർമ്മിച്ചുനൽകണമെന്ന് യൂസഫലിയോട് അഭ്യർത്ഥിച്ചിരുന്നു.
ഈ അഭ്യർത്ഥന ശ്രദ്ധയിൽപ്പെട്ടയുടൻ വിഷയം ഗൗരവത്തിലെടുത്ത അദ്ദേഹം അടിയന്തരമായി ഇടപെടാൻ നിർദ്ദേശം നൽകുകയായിരുന്നു. തുടർന്ന് കിണർ നിർമ്മാണത്തിനുള്ള സാമ്പത്തിക സഹായം അതിവേഗം അനുവദിക്കുകയും, നിർമ്മാണ ജോലികൾ വേഗത്തിൽ പൂർത്തിയാക്കുകയും ചെയ്തു. വർഷങ്ങളായി കുടിവെള്ളത്തിനായി പ്രയാസപ്പെട്ടിരുന്ന ആ പ്രദേശത്തെ കുടുംബങ്ങൾക്ക് ഇത് വലിയൊരു ആശ്വാസമായി മാറി.
