ഉയരുന്ന ജീവിതച്ചെലവ് നിയന്ത്രിക്കുന്നതിനായി എല്ലാ മേഖലകളിലുമുള്ള കനേഡിയൻ പൗരന്മാരെ സഹായിക്കുന്നതിന് ഫെഡറൽ സർക്കാർ വിവിധ ആനുകൂല്യ പേയ്‌മെൻ്റുകൾ വിതരണം ചെയ്യുന്നുണ്ട്. ഇത്തരത്തിൽ ഒൻ്റാരിയോ നിവാസികൾക്കായുള്ള, നികുതി, ഊർജ്ജ ബില്ലുകൾ, ഭവന നികുതികൾ തുടങ്ങിയ പതിവ് ചെലവുകളെ മറികടക്കാൻ സഹായിക്കുന്ന പുതിയ ഒൻ്റാരിയോ ട്രില്ലിയം ബെനിഫിറ്റ് പേയ്‌മെൻ്റ് ഓഗസ്റ്റ് 10 തിങ്കളാഴ്ച വിതരണം ചെയ്യും.

ഒൻ്റാരിയോ സെയിൽസ് ടാക്സ് ക്രെഡിറ്റ് (OSTC), നോർത്തേൺ ഒൻ്റാരിയോ എനർജി ക്രെഡിറ്റ് (NOEC), ഒൻ്റാരിയോ എനർജി ആൻഡ് പ്രോപ്പർട്ടി ടാക്സ് ക്രെഡിറ്റുകൾ (OEPTC) എന്നീ മൂന്ന് ക്രെഡിറ്റുകൾ കൂട്ടിച്ചേരുന്നതാണ് OTB. ഒരു വ്യക്തിക്ക് അവരുടെ പ്രായം, വരുമാനം, താമസിക്കുന്ന സ്ഥലം, കുടുംബങ്ങളുടെ എണ്ണം, വാടകയ്‌ക്കോ വസ്തുനികുതിയിലോ അടച്ച തുക എന്നിവയെ ആശ്രയിച്ചാണ് ഒൻ്റാരിയോ ട്രില്ലിയം ബെനിഫിറ്റ് കണക്കാക്കുക. 026–27 ആനുകൂല്യ വർഷത്തിൽ, യോഗ്യരായ ഓരോ വ്യക്തിക്കും പരമാവധി 378 ഡോളർ ലഭിക്കും. 19 വയസ്സിന് താഴെയുള്ള ഓരോ കുട്ടിക്കും 378 ഡോളറും അക്കൗണ്ടിലെത്തും. എന്നാൽ, വാർഷിക ആനുകൂല്യം 500 ഡോളറോ അതിൽ കുറവോ ഉള്ളവർക്ക് മുഴുവൻ തുകയും ജൂലൈയിൽ ഒറ്റത്തവണയായി നൽകിയിട്ടുള്ളതിനാൽ അവർക്ക് ഓഗസ്റ്റിൽ തുക ലഭിക്കില്ല.