പുതിയ എക്സ്പ്രസ് എൻട്രി നറുക്കെടുപ്പിലൂടെ സ്ഥിര താമസത്തിന് അപേക്ഷിക്കാൻ ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ ( IRCC) 1,000 പേർക്ക് ഇൻവിറ്റേഷൻ നൽകി. ഓഗസ്റ്റ് 18-ന് നടന്ന കനേഡിയൻ എക്സ്പീരിയൻസ് ക്ലാസ് എക്സ്പ്രസ് എൻട്രി നറുക്കെടുപ്പിൽ കോംപ്രിഹെൻസീവ് റാങ്കിങ് സിസ്റ്റം സ്കോർ 523 ഉള്ള അപേക്ഷകരെയാണ് പരിഗണിച്ചത്. ഓഗസ്റ്റ് 5-ന് നടന്ന മുൻ സിഇസി നറുക്കെടുപ്പിൽ രേഖപ്പെടുത്തിയ 516-ൽ നിന്ന് 7 പോയിൻ്റ് വർധിച്ചിട്ടുണ്ട്.
2026-ലെ ഏറ്റവും ചെറിയ കനേഡിയൻ എക്സ്പീരിയൻസ് ക്ലാസ് നറുക്കെടുപ്പാണിത്. കൂടാതെ ഈ വർഷം ഇതുവരെ രേഖപ്പെടുത്തിയതിൽ വച്ച് ഏറ്റവും ഉയർന്ന സിഇസി കട്ട്ഓഫും ഇതായിരുന്നു. ഇതോടെ ഈ വർഷത്തെ എക്സ്പ്രസ് എൻട്രി നറുക്കെടുപ്പുകളുടെ എണ്ണം 48 ആയി. 2026-ൽ, എക്സ്പ്രസ് എൻട്രി നറുക്കെടുപ്പിലൂടെ ഇതുവരെ IRCC 114,865 ITA-കൾ നൽകിയിട്ടുണ്ട്.
