മിഡ് വെസ്റ്റ് മലയാളി അസോസിയേഷന്‍ ഓഫ് അമേരിക്കയുടെ ഓണാഘോഷം ഓഗസ്റ്റ് 21 വെള്ളിയാഴ്ച നോര്‍ത്ത് ബ്രുക്കിലുള്ള സെഞ്ചൂറിയന്‍ ബാങ്ക്വറ്റ് ഹാളില്‍ (3315 Milwaukee Ave, North Brook) നടക്കും. വൈകുന്നേരം അഞ്ചിന് പ്രസിഡൻ്റ് ബിനു കൈതക്കത്തോട്ടിയിൽ അധ്യക്ഷത വഹിക്കുന്ന ആഘോഷത്തിൽ പ്രശസ്ത സിനിമാ ആര്‍ട്ടിസ്റ്റ് ശിവദ വിശിഷ്ടാതിഥിയായി പങ്കെടുക്കും.
വിഭവസമൃദ്ധമായ ഓണസദ്യയും, തിരുവാതിരയും, മണവാളന്‍സിന്‍റെ കലാവിരുന്നും ആഘോഷങ്ങള്‍ക്ക് മാറ്റ് കൂട്ടും. വൈസ് പ്രസിഡൻ്റ് മഹേഷ് കൃഷ്ണന്‍, ജനറല്‍ സെക്രട്ടറി ടാജ് കണ്ടാരപ്പള്ളില്‍, ജോയിൻ്റ് സെക്രട്ടറി നിതിന്‍ നായര്‍, ട്രഷറര്‍ മനോജ് വഞ്ചിയില്‍, മുന്‍ പ്രസിഡൻ്റുമാരായ റോയിനെടുംചിറ, സ്റ്റീഫന്‍ കിഴകേക്കുറ്റ്, വിജി എസ്. നായര്‍, പീറ്റര്‍ കുളങ്ങര, സതീഷ് നായര്‍, ഹറാള്‍ഡ് ഫിഗ്ഗെഡോ, വര്‍ഗ്ഗീസ് പാലമലയില്‍ എന്നിവര്‍ പരിപാടികള്‍ക്ക് നേതൃത്വം കൊടുക്കും.
