യുഎസ് തീരുവകൾക്കും മറ്റ് ഭൗമരാഷ്ട്രീയ ഘടകങ്ങൾക്കുമിടയിൽ കനേഡിയൻ സമ്പദ്‌വ്യവസ്ഥ കടുത്ത വെല്ലുവിളികൾ നേരിടുന്ന സാഹചര്യത്തിൽ 2026-ലെ ഫെഡറൽ ബജറ്റ് നവംബർ 5-ന് അവതരിപ്പിക്കുമെന്ന് ധനമന്ത്രി ഫ്രാൻസ്വ ഫിലിപ്പ് ഷാംപെയ്ൻ അറിയിച്ചു. പ്രധാനമന്ത്രി മാർക്ക് കാർണിയുടെ നേതൃത്വത്തിലുള്ള ഫെഡറൽ സർക്കാർ അവതരിപ്പിക്കുന്ന രണ്ടാമത്തെ ബജറ്റാണിത്.
അടുത്ത അഞ്ച് വർഷത്തിനുള്ളിൽ ഫെഡറൽ കമ്മി (ബജറ്റ് കമ്മി) പ്രതിവർഷം ശരാശരി 3 ബില്യൺ ഡോളർ അധികമായിരിക്കുമെന്ന് പാർലമെന്‍ററി ബജറ്റ് ഓഫീസർ (PBO) റിപ്പോർട്ട് ചെയ്തിരുന്നു. അതേസമയം, മിഡിൽ ഈസ്റ്റിലെ യുദ്ധം മൂലം ഇന്ധനവില വർധിച്ചത് ഹ്രസ്വകാലത്തേക്ക് ഫെഡറൽ വരുമാനം ഉയരാൻ കാരണമായിട്ടുണ്ട്. ഇത് നടപ്പു സാമ്പത്തിക വർഷത്തിലെ ബജറ്റ് കമ്മി കുറയ്ക്കാൻ സഹായിക്കുമെന്ന് PBO വിലയിരുത്തുന്നു. എന്നാൽ, രണ്ടാം പാദത്തിൽ കനേഡിയൻ സമ്പദ്‌വ്യവസ്ഥ കരുത്ത് കാണിച്ചെങ്കിലും, ഓഗസ്റ്റിൽ അമേരിക്കയുമായുള്ള വ്യാപാര ചർച്ച പരാജയപ്പെട്ടതോടെ വളർച്ചാ നിരക്ക് സമ്മർദ്ദത്തിലായിരിക്കുകയാണ്.
