ആൽബർട്ടയിലെ പ്രശസ്ത വിനോദസഞ്ചാര കേന്ദ്രമായ ബാൻഫിന് സമീപം 4.0 തീവ്രത രേഖപ്പെടുത്തിയ ഭൂചലനം അനുഭവപ്പെട്ടു. വെള്ളിയാഴ്ച പുലർച്ചെ 3:46-നാണ് ഭൂചലനം ഉണ്ടായതെന്ന് യു.എസ്. ജിയോളജിക്കൽ സർവേ (USGS) അറിയിച്ചു.
ബാൻഫ് മലയോര മേഖലയിൽ നിന്ന് ഏകദേശം 31 കിലോമീറ്റർ വടക്കുകിഴക്കായി, മൗണ്ട് ഒലിവറിന് സമീപമാണ് പ്രഭവകേന്ദ്രം. ഭൂചലനത്തിൽ ഇതുവരെ ആളപായമോ നാശനഷ്ടങ്ങളോ റിപ്പോർട്ട് ചെയ്തിട്ടില്ല. ഭൂകമ്പം അനുഭവപ്പെട്ടതായി പത്തോളം ആളുകൾ വിവരമറിയിച്ചതായി യു.എസ് ജിയോളജിക്കൽ സർവേ വ്യക്തമാക്കി.
