നഗരത്തിൽ ശ്വാസകോശത്തെ ബാധിക്കുന്ന അപൂർവ്വ രോഗമായ ‘ലെജിയോണെയേഴ്സ്’ (Legionnaires’ Disease) പടർന്നു പിടിക്കുന്നതായി ടൊറൻ്റോ പബ്ലിക് ഹെൽത്ത് (TPH) മുന്നറിയിപ്പ് നൽകി. ബാതർസ്റ്റ്, ഡ്യൂപോണ്ട് സ്ട്രീറ്റുകളുടെ ഇന്‍റർസെക്ഷനിലാണ് അണുബാധ റിപ്പോർട്ട് ചെയ്തിരിക്കുന്നത്. ഈ മേഖലയുടെ ഒരു കിലോമീറ്റർ ചുറ്റളവിലുള്ള ആറ് പേർക്ക് രോഗം ബാധിച്ചതായി ആരോഗ്യ വകുപ്പ് അറിയിച്ചു. ജൂലൈ രണ്ടിനും ഇരുപത്തിയാറിനും ഇടയിലാണ് രോഗികൾക്ക് ലക്ഷണങ്ങൾ പ്രകടനമായിത്തുടങ്ങിയത്.

അണുബാധയുടെ ഉറവിടം കണ്ടെത്താൻ ആരോഗ്യവകുപ്പ് അധികൃതർ അന്വേഷണം ആരംഭിച്ചിട്ടുണ്ട്. ലോങ് ടേം കെയർ കേന്ദ്രമായ കാസിൽവ്യൂ വൈച്ച്വുഡ് ടവേഴ്‌സിലെ അഞ്ച് അന്തേവാസികൾക്ക് ലെജിയോണെയേഴ്സ് അണുബാധ സ്ഥിരീകരിച്ചിട്ടുണ്ട്. ഈ രണ്ട് സംഭവങ്ങളും തമ്മിൽ ബന്ധമുണ്ടോ എന്നും പരിശോധിച്ച് വരികയാണ്.