ഓഗസ്റ്റിലെ തുടർച്ചയായ മൂന്നാം എക്സ്പ്രസ് എൻട്രി നറുക്കെടുപ്പിൽ 5,000 അപേക്ഷകർക്ക് സ്ഥിരതാമസത്തിന് ഇൻവിറ്റേഷൻ നൽകിയതായി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) അറിയിച്ചു. ഓഗസ്റ്റ് 6 ന് നടന്ന ഫ്രഞ്ച് ലാംഗ്വേജ് പ്രൊഫിഷ്യൻസി എക്സ്പ്രസ് എൻട്രി നറുക്കെടുപ്പിൽ കോംപ്രിഹെൻസീവ് റാങ്കിംഗ് സിസ്റ്റം (CRS) സ്കോർ 391 ഉള്ളവരെയാണ് പരിഗണിച്ചത്.
2026-ൽ ഫ്രഞ്ച് ലാംഗ്വേജ് പ്രൊഫിഷ്യൻസി കാറ്റഗറി എക്സ്പ്രസ് എൻട്രി നറുക്കെടുപ്പിൽ രേഖപ്പെടുത്തിയ ഏറ്റവും കുറഞ്ഞ സ്കോറാണ്. കൂടാതെ 2025 മാർച്ചിനുശേഷം ഈ ക്യാറ്റഗറിയിലുള്ള നറുക്കെടുപ്പിലെ ഏറ്റവും കുറഞ്ഞ കട്ട്ഓഫ് സ്കോറുമായിരുന്നു. ഈ വർഷം 45 എക്സ്പ്രസ് എൻട്രി നറുക്കെടുപ്പുകളിലായി 113,123 ഉദ്യോഗാർത്ഥികൾക്ക് ഇൻവിറ്റേഷൻ നൽകിയിട്ടുണ്ട്.
