ലോകഫുട്‌ബോളിലെ ഏറ്റവും മികച്ച പ്രതിരോധതാരങ്ങളിലൊരാളും ഇറ്റാലിയൻ ഫുട്‌ബോൾ ഇതിഹാസവുമായ ഫ്രാങ്കോ ബറേസി അന്തരിച്ചു. 66 വയസ്സായിരുന്നു. ലോകകപ്പ് നേടിയ 1982 ലെ ഇറ്റാലിയൻ ടീമിൽ അംഗമായിരുന്നു.

20 വർഷത്തെ ക്ലബ്ബ് കരിയറിൽ എസി മിലന് മാത്രമായി കളിച്ച ബറേസി ആറ് സീരി എ കിരീടങ്ങളും മൂന്ന് യൂറോപ്യൻ കപ്പുകളും നേടി. 1977 മുതൽ 1997 വരെ 719 മത്സരങ്ങളിൽ ബറേസി എസി മിലാൻ ജേഴ്സി അണിഞ്ഞു. താരം 33 ഗോളുകളും നേടിയിട്ടുണ്ട്. ബറേസി വിരമിച്ചതിന് പിന്നാലെ താരത്തിന്റെ ആറാം നമ്പർ ജേഴ്‌സി ക്ലബ്ബ് പിൻവലിച്ചിരുന്നു. ഇറ്റലിക്കായി 81 മത്സരങ്ങൾ കളിച്ച ബറേസി ടീമിന്‍റെ നായകസ്ഥാനവും വഹിച്ചിരുന്നു. 982 ലെ കിരീടനേട്ടത്തിന് പുറമേ 1994 ൽ ലോകകപ്പ് ഫൈനലിലുമെത്തി.