ന്യൂയോർക്ക് സിറ്റി സബ്‌വേയിൽ ട്രെയിൻ തട്ടി ഇന്ത്യൻ വംശജയായ യുവതിയും നേപ്പാൾ സ്വദേശിയായ യുവാവും കൊല്ലപ്പെട്ടു. മാൻഹാട്ടൻ ഡൗൺടൗണിലെ സ്പ്രിങ് സിറ്റി റെയിൽവെ സ്റ്റേഷനിൽ ഞായറാഴ്ച പുലർച്ചെയുണ്ടായ അപകടത്തിൽ നവം കൗൾ, മലൈക ചിത്രേ എന്നിവരാണ് മരിച്ചത്. ഇരുവർക്കും 24 വയസായിരുന്നു പ്രായം. ഇവർ റട്‌ജേഴ്‌സ് യൂണിവേഴ്‌സിറ്റിയിലെ മുൻ വിദ്യാർത്ഥികളാണ്.
അപകടസമയത്ത് ഇരുവരും റെയിൽവെ സ്റ്റേഷനിലെ പ്ലാറ്റ്‌ഫോമിന് താഴെയുള്ള ട്രാക്കിൽ ഇരിക്കുകയായിരുന്നുവെന്ന് അധികൃതർ അറിയിച്ചു. അതേസമയം ഇരുവരും ട്രാക്കിൽ ഇരുന്നത് എന്തിനാണെന്ന് വ്യക്തമല്ല. സംഭവത്തിൽ അന്വേഷണം ആരംഭിച്ചു.
