തായ്ലൻഡ് തലസ്ഥാനമായ ബാങ്കോക്കിലെ ബാറിലുണ്ടായ തീപിടിത്തത്തിൽ 27 പേർ മരിച്ചു. 22 പേർ അതീവ ഗുരുതരാവസ്ഥയിലാണെന്നും അധികൃതർ അറിയിച്ചു. തീപിടിത്തത്തിന്റെ കാരണം വ്യക്തമല്ല. അന്വേഷണം ആരംഭിച്ചതായി സംഭവസ്ഥലം സന്ദർശിച്ച തായ്ലൻഡ് പ്രധാനമന്ത്രി അനുതിൻ ചർൺവിരാകുൽ അറിയിച്ചു. റോങ് ബീർ നാ ലാറ്റ് ഫ്രാവോ എന്ന് പ്രാദേശികമായി അറിയപ്പെടുന്ന ബാർ ബാങ്കോക്കിലെ ചാറ്റുചക് ജില്ലയിലാണ് സ്ഥിതി ചെയ്യുന്നത്.
തീപിടിത്തത്തിൽ ആകെ 63 പേർക്ക് പരുക്കേറ്റിട്ടുണ്ടെന്ന് ബാങ്കോക്ക് മെട്രോപൊളിറ്റൻ അഡ്മിനിസ്ട്രേഷൻ ഉദ്യോഗസ്ഥർ റിപ്പോർട്ട് ചെയ്തു. ഇതിൽ 22 പേർ അതീവ ഗുരുതരാവസ്ഥയിലാണ്. പുക ശ്വസിച്ചാണ് ഭൂരിഭാഗവും മരിച്ചതെന്നാണ് പ്രാഥമിക റിപ്പോർട്ട്.
