പടിഞ്ഞാറൻ ക്യൂബയ്ക്ക് സമീപം അതിശക്തമായ ഭൂചലനം ഉണ്ടായതായി യുഎസ് ജിയോളജിക്കൽ സർവേ റിപ്പോർട്ട് ചെയ്തു. 6.1 തീവ്രത രേഖപ്പെടുത്തിയ ഭൂചലനത്തിൽ തലസ്ഥാന നഗരമായ ഹവാനയിലും മറ്റും കെട്ടിടങ്ങൾ കുലുങ്ങി. ആളപായമോ നാശനഷ്ടങ്ങളോ ഉടൻ റിപ്പോർട്ട് ചെയ്തിട്ടില്ല. തലസ്ഥാനത്ത് നിന്നും 10 കിലോമീറ്റർ) താഴ്ചയിലാണ് ഭൂചലനത്തിന്റെ പ്രഭവകേന്ദ്രം. ഭൂചലനം ഫ്ലോറിഡ വരെ അനുഭവപ്പെട്ടു. സംസ്ഥാനത്തിന്റെ തെക്കുപടിഞ്ഞാറൻ ഭാഗത്ത് കുലുക്കം അനുഭവപ്പെട്ടതായി നിരവധി റിപ്പോർട്ടുകൾ ലഭിച്ചതായി മിയാമിയിലെ നാഷണൽ വെതർ സർവീസ് അറിയിച്ചു.
ഭൂചലനത്തെ തുടർന്ന് നഗരത്തിലെ നിരവധി കെട്ടിടങ്ങൾ ഒഴിപ്പിച്ചതായി മിയാമി-ഡേഡ് കൗണ്ടി ഉദ്യോഗസ്ഥർ അറിയിച്ചു. കൗണ്ടിയുടെ പ്രധാന സർക്കാർ ഓഫീസ് കെട്ടിടം, മിയാമി ഡൗണ്ടൗണിലെ 28 നിലകളുള്ള ഒരു ഉയർന്ന കെട്ടിടം ഉൾപ്പെടെ ഒഴിപ്പിച്ചിട്ടുണ്ട്. രണ്ട് എലവേറ്റഡ് കമ്മ്യൂട്ടർ ട്രെയിൻ സർവീസും താൽക്കാലികമായി നിർത്തിവച്ചു.
