ന്യൂബ്രണ്സ്വിക്ക് ഗ്രീന് പാര്ട്ടി നേതൃത്വത്തിൽ നിന്നും പിന്മാറുന്നതായി ഡേവിഡ് കൂണ് അറിയിച്ചു. 14 വര്ഷമായി പാര്ട്ടി ലീഡര് സ്ഥാനത്ത് തുടരുന്ന അദ്ദേഹം പുതിയ പാര്ട്ടി തലവനെ ഔദ്യോഗികമായി തിരഞ്ഞെടുക്കുന്നത് വരെ പദവിയിൽ തുടരുമെന്നും വ്യക്തമാക്കി.
പാര്ട്ടി നേതൃസ്ഥാനം ഒഴിഞ്ഞാലും രാഷ്ട്രീയത്തില് തുടര്ന്നും സജീവമായിരിക്കുമെന്നും ഫ്രെഡറിക്ടണ് ലിങ്കണില് എംഎല്എ ആയി ജനങ്ങള്ക്കിടയില് പ്രവര്ത്തിക്കുമെന്നും ഡേവിഡ് കൂണ് അറിയിച്ചു. വരാനിരിക്കുന്ന പുതിയ നേതൃത്വത്തിന് 2028-ലെ പ്രവിശ്യാ തിരഞ്ഞെടുപ്പിന് മുന്നോടിയായി കൃത്യമായ പ്രവര്ത്തന സമയം നല്കാനാണ് താന് ഇപ്പോള് മാറുന്നതെന്നും അദ്ദേഹം കൂട്ടിച്ചേര്ത്തു. പുതിയ ലീഡറെ കണ്ടെത്താനുള്ള പാര്ട്ടി കണ്വെന്ഷനെക്കുറിച്ചുള്ള വിശദാംശങ്ങള് ഗ്രീന് പാര്ട്ടി വരും ആഴ്ചകളില് പുറത്തുവിടും.
