എഡ്മന്റൺ: വെർച്വൽ റിയാലിറ്റിയിലൂടെ(VR) ഈജിപ്തിലെ ഏറ്റവും വലിയ പിരമിഡ് കാണാനും മനസ്സിലാക്കാനും അവസരമൊരുക്കി എക്‌സ്‌ക്യൂറിയോ. അടുത്ത മാസം എഡ്മന്റണിലാണ് ‘ഹൊറൈസൻ ഓഫ് ഖുഫു’ എന്ന് പേരിട്ടിരിക്കുന്ന എക്‌സിബിഷൻ നടത്തുന്നത്. പുരാതന ഈജിപ്തിലെ പിരമിഡ് കാഴ്ചകൾ ആസ്വദിക്കാൻ ജനങ്ങൾക്ക് സുവർണാവസരമാണ് ഒരുങ്ങുന്നത്.

എക്‌സ്‌ക്യൂറിയോയുടെ മൂന്ന് വർഷത്തെ ഗവേഷണത്തിന്റെയും വികസനത്തിന്റെയും ഫലമായാണ് 45 മിനിറ്റ് ദൃശ്യാനുഭവം അവതരിപ്പിക്കുന്നത്. പാരീസ്, ലണ്ടൻ, മോൺട്രിയൽ, ഷാങ്ഹായ്, ന്യൂയോർക്ക് എന്നിവടങ്ങളിലെ പര്യടനത്തിന് ശേഷം ഹൊറൈസൺ ഓഫ് ഖുഫു മെയ് 29 ന് വെസ്റ്റ് എഡ്മന്റൺ മാളിലെ YEG യിൽ അവതരിപ്പിക്കും.

ഏകദേശം 10,000 ചതുരശ്ര അടി വിസ്തീർണത്തിൽ സജ്ജീകരിച്ചിരിക്കുന്ന ഇത്, സന്ദർശകരെ കെയ്‌റോയിലെ പിരമിഡ് കാഴ്ചകളിലേക്ക് കൊണ്ടുപോകും. ലോകമെമ്പാടുമായി ഒരു മില്യണിലധികം ആളുകൾ എക്‌സിബിഷൻ സന്ദർശിച്ചു. മോൺട്രിയലിനും കാൽഗറിയിക്കും ശേഷം എക്‌സിബിഷൻ സംഘടിപ്പിക്കുന്ന കനേഡിയൻ നഗരമാണ് എഡ്മന്റൺ. എക്‌സ്ബിഷൻ സന്ദർശിക്കാൻ താൽപ്പര്യമുള്ളവർ ടിക്കറ്റുകൾക്കായി ഹൊറൈസൺ ഓഫ് ഖുഫു വെബ്‌സൈറ്റ് സന്ദർശിക്കുക.