ഓട്ടവ: പ്രധാനമന്ത്രിയായി സ്ഥാനമേറ്റതിന് പിന്നാലെയുള്ള പ്രസംഗത്തിൽ ട്രംപിൻറെ നയങ്ങൾക്കെതിരെ വിമർശനവുമായി മാർക്ക് കാർണി.
കാനഡ അമേരിക്കയുടെ ഭാഗമാകണമെന്ന നിർദേശം അസംബന്ധമെന്ന് കാർണി പറഞ്ഞു. ട്രംപിനെ ബഹുമാനിക്കുന്നുവെന്നും എന്നാൽ തത്ക്കാലം കൂടിക്കാഴ്ച നടത്താനില്ലെന്നും കാർണി തുറന്നടിച്ചു. ട്രംപിന്റെ സാമ്പത്തിക നയങ്ങൾക്കെതിരെ കടുത്ത നിലപാട് തന്നെയാകും കാനഡ സ്വീകരിക്കുകയെന്ന് കാർണി തൻറെ പ്രസംഗത്തിൽ വ്യക്തമാക്കി.
അമേരിക്ക കാനഡയോട് കുറച്ച് ബഹുമാനം കാണിക്കുന്നതുവരെ 20 ബില്യൺ ഡോളറിന്റെ യുഎസ് ഉൽപ്പന്നങ്ങൾക്ക് കാനഡ ചുമത്തിയ അധിക തീരുവ അത് പോലെ തുടരുമെന്ന് മാർക്ക് കാർണി വ്യക്തമാക്കി. കാനഡയുടെ പരമാധികാരത്തെ ബഹുമാനിക്കുന്ന പക്ഷം മാത്രമേ യുഎസ് പ്രസിഡൻറ് ഡോണൾഡ് ട്രംപുമായി കൂടിക്കാഴ്ച നടത്താൻ താൻ തയ്യാറാവൂ എന്നും കാർണി വ്യക്തമാക്കി.
