കൊച്ചി: പെരുമ്പാവൂരിൽ വാഹനാപകടത്തിൽ ബൈക്ക് യാത്രക്കാരന് ദാരുണാന്ത്യം. കട്ടപ്പന കൽത്തൊട്ടി സ്വദേശി കട്ടക്കയം വീട്ടിൽ പ്രവീൺ എബ്രഹാം (38) ആണ് മരിച്ചത്. എംസി റോഡിൽ ഇന്നലെ വൈകിട്ട് ആറിന് പെരുമ്പാവൂർ കാഞ്ഞിരക്കാടായിരുന്നു അപകടമുണ്ടായത്. പ്രവീൺ സഞ്ചരിച്ചിരുന്ന ബൈക്ക് കാറിൽ ഇടിച്ച് നിയന്ത്രണം വിട്ട് എതിരെ വന്ന ആംബുലൻസിന് അടിയിലേക്ക് വീഴുകയായിരുന്നു. പ്രവീൺ സംഭവ സ്ഥലത്തുവെച്ചു തന്നെ മരിച്ചു. മൃതദേഹം പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും. സംസ്കാരം 16ന് രാവിലെ 10.30ന് കൽത്തൊട്ടി തിരുകുടുംബ ദേവാലയത്തിൽ. ഭാര്യ: ജെസ്ന കുര്യാക്കോസ്. ഒരു മകൾ ഉണ്ട്.
