ന്യൂയോർക് : പ്രമുഖ ടെക് കമ്പനികളുടെ പാത പിന്തുടർന്ന് എച്ച്-1ബി, ഗ്രീൻ കാർഡ് സ്പോൺർഷിപ്പ് നടപടികൾ അവസാനിപ്പിക്കുന്നതായി ഐ.ബി.എം. കൺസൾട്ടിങ് വിഭാഗം അറിയിച്ചു. ട്രംപ് ഭരണകൂടത്തിന്‍റെ കുടിയേറ്റ നിയന്ത്രണങ്ങളുടെ പശ്ചാത്തലത്തിലാണ് ഈ നിർണ്ണായക തീരുമാനം. ഐ.ബി.എം. കൺസൾട്ടിങ് വിഭാഗത്തിലെ ഉയർന്ന വൈദഗ്ധ്യമുള്ള വിദേശ തൊഴിലാളികളെയാണ് തീരുമാനം പ്രധാനമായും ബാധിക്കുക. മൈക്രോസോഫ്റ്റ്, അഡോബി തുടങ്ങിയ പ്രമുഖ ടെക് കമ്പനികളും ഗ്രീൻ കാർഡ് പ്രോഗ്രാമുകളിൽ നിന്ന് പിന്മാറിയിരുന്നു.
ജീവനക്കാർക്ക് കമ്പനിയുടെ യു.എസിന് പുറത്തുള്ള ഓഫീസുകളിലേക്ക് മാറി ജോലി ചെയ്യാം അല്ലെങ്കിൽ ഈ വർഷാവസാനത്തോടെ കമ്പനി വിടാമെന്നും കമ്പനി വക്താവ് അറിയിച്ചു. യു.എസിലെ തൊഴിൽ ദാതാക്കൾ സ്ഥിര താമസത്തിനായുള്ള ഗ്രീൻ കാർഡ് നൽകുന്നതിന്റെ ആദ്യ പടിയാണ് ‘PERM’ പ്രക്രിയ.
