തുടർച്ചയായി രണ്ടാം മാസവും കാനഡയിൽ തൊഴിലവസരങ്ങളിൽ ഇടിവുണ്ടായതായി സ്റ്റാറ്റിസ്റ്റിക്സ് കാനഡ റിപ്പോർട്ട്. ഓഗസ്റ്റിൽ ഏകദേശം 42,000 തൊഴിലവസരങ്ങൾ നഷ്ടപ്പെട്ടതിന് പിന്നാലെ, സെപ്റ്റംബറിൽ കാനഡയിൽ 68,000 തൊഴിലവസരങ്ങൾ നഷ്ടപ്പെട്ടതായി ഫെഡറൽ ഏജൻസി അറിയിച്ചു. ഇതോടെ തൊഴിലില്ലായ്മ നിരക്ക് 6.4 ശതമാനത്തിൽ നിന്ന് 6.5 ശതമാനമായി വർധിച്ചതായും ഏജൻസി റിപ്പോർട്ട് ചെയ്തു.
യുവജനങ്ങളെയാണ് തൊഴിൽ നഷ്ടം സാരമായി ബാധിച്ചത്. എന്നാൽ, യുവജനങ്ങളുടെ തൊഴിലില്ലായ്മ നിരക്ക് 13 ശതമാനമായി കാര്യമായ മാറ്റമില്ലാതെ തുടർന്നു.15 മുതൽ 24 വരെ പ്രായമുള്ളവർക്ക് സെപ്റ്റംബറിൽ 48,000 തൊഴിലവസരങ്ങൾ നഷ്ടപ്പെട്ടപ്പോൾ, 25 മുതൽ 54 വരെ പ്രായമുള്ള സ്ത്രീകൾക്ക് 28,000 തൊഴിലവസരങ്ങളാണ് നഷ്ടമായത്. അതേസമയം വിദ്യാഭ്യാസ മേഖലയിൽ 35,000 തൊഴിലവസരങ്ങൾ നഷ്ടപ്പെട്ടപ്പോൾ, ആരോഗ്യ-സാമൂഹിക സേവന മേഖലയിൽ 23,000 തൊഴിലവസരങ്ങൾ നഷ്ടപ്പെട്ടു. കാനഡയിൽ ഉൽപ്പാദന മേഖലയിലും 13,000 തൊഴിലവസരങ്ങൾ നഷ്ടമായി.
