ഒമാൻ തീരത്ത് വെച്ച് പാനമ രജിസ്ട്രേഷനിലുള്ള ‘എം.ടി ഓൺ പീസ്’ എന്ന വാണിജ്യ കപ്പലിന് നേരെ വീണ്ടും ആക്രമണം നടന്നിരിക്കുന്നു. ഈ ആക്രമണത്തിൽ പതിനൊന്ന് ഇന്ത്യക്കാർ ഉൾപ്പെടെ കപ്പലിലുണ്ടായിരുന്ന പന്ത്രണ്ട് പേർക്ക് പരുക്കേൽക്കുകയും, പരുക്കേറ്റവരെല്ലാം തന്നെ അടിയന്തര ചികിത്സയ്ക്കായി ഒമാനിൽ എത്തുകയും ചെയ്തു.
ആകെ 19 ജീവനക്കാരുള്ള ഈ കപ്പലിൽ 17 പേരും ഇന്ത്യക്കാരാണ്. കപ്പലുകൾക്കും ജീവനക്കാർക്കും സിവിലിയൻ അടിസ്ഥാന സൗകര്യങ്ങൾക്കുമെതിരെയുള്ള ഇത്തരം ആക്രമണങ്ങൾ ഉടൻ അവസാനിപ്പിക്കണമെന്നും, അന്താരാഷ്ട്ര ജലപാതകളിലൂടെയുള്ള സുരക്ഷിതമായ വ്യാപാരവും ഗതാഗതവും എത്രയും വേഗം പുനഃസ്ഥാപിക്കണമെന്നും ഇന്ത്യ ശക്തമായി ആവശ്യപ്പെട്ടിട്ടുണ്ട്.
