തിരുവനന്തപുരം ടെക്നോസിറ്റിയിൽ 10 ഏക്കർ സ്ഥലത്തായി നൂറുകോടി രൂപ ചെലവിലാണ് “സെമികണ്ടക്ടർ കപ്പാസിറ്റി ബിൽഡിങ് ആൻഡ് സയൻസ്-ടെക്നോളജി എക്സ്പീരിയൻസ് പാർക്ക്” പദ്ധതി വിഭാവനം ചെയ്തിരിക്കുന്നത്. ഈ സംരംഭത്തിന്റെ ചീഫ് ഓപ്പറേറ്റിങ് ഓഫീസറായി (COO) വേൾഡ് മലയാളി കൗൺസിൽ ഗ്ലോബൽ ഗുഡ്‌വിൽ അംബാസഡറായ ജോണി കുരുവിള ചുമതലയേറ്റു. IIITM-K-യുമായി സഹകരിച്ചാണ് ഈ പദ്ധതി നടപ്പിലാക്കുന്നത്.
സെമികണ്ടക്ടർ, ആർട്ടിഫിഷ്യൽ ഇന്റലിജൻസ് (AI), റോബോട്ടിക്സ്, ബഹിരാകാശ സാങ്കേതികവിദ്യ, ക്വാണ്ടം ടെക്നോളജി, ബയോടെക്നോളജി, ആധുനിക ഉൽപാദന മേഖലകൾ തുടങ്ങിയ അതിയാധുനിക സാങ്കേതികവിദ്യകൾ ഈ പാർക്കിലൂടെ പരിചയപ്പെടുത്തുന്നു. കേരളത്തിൽ സാങ്കേതികവിദ്യ, നവീകരണം, പഠനം, സംരംഭകത്വം എന്നിവയുടെ ഒരു പ്രധാന കേന്ദ്രമായി മാറാൻ ശേഷിയുള്ളതാണ് ഈ ദീർഘവീക്ഷണത്തോടെയുള്ള സംരംഭം.
ഈ പദ്ധതിയുടെ ഉദ്ഘാടന ചടങ്ങിൽ ഐ.ടി വ്യവസായ മന്ത്രി പി.കെ. കുഞ്ഞാലിക്കുട്ടി മുഖ്യാതിഥിയായി പങ്കെടുത്തിരുന്നു. കേരളത്തിന്റെ വികസന കുതിപ്പിൽ നിർണായക പങ്കുവഹിക്കുന്ന ഈ പദ്ധതിയിൽ സുപ്രധാന പദവി ഏറ്റെടുത്ത ജോണി കുരുവിളക്ക് അമേരിക്ക റീജಿಯನ್ ചെയർമാൻ ജേക്കബ് കുടശ്ശനാട്, പ്രസിഡന്റ് ജിനേഷ് തമ്പി എന്നിവർ വിജയാശംസകൾ നേർന്നു.
