വിദേശത്ത് ഉപരിപഠനം ആഗ്രഹിക്കുന്ന വിദ്യാർത്ഥികളെ സംബന്ധിച്ച് സെപ്റ്റംബർ മാസം ഏറെ നിർണായകമാണ്. മാറിയ സാഹചര്യങ്ങളിൽ ഉയർന്ന നിലവാരമുള്ള വിദ്യാഭ്യാസത്തിനായി വിദേശ സർവകലാശാലകളെ ആശ്രയിക്കുന്നവരുടെ എണ്ണം കൂടിവരികയാണ്. സ്കോളർഷിപ്പുകളും ഫീസ് ഇളവുകളും പ്രയോജനപ്പെടുത്താൻ ആഗ്രഹിക്കുന്നവർ മുൻകൂട്ടി തന്നെ കൃത്യമായ തയ്യാറെടുപ്പുകൾ നടത്തേണ്ടതുണ്ട്. വിദേശപഠനത്തിന് ഒരുങ്ങുമ്പോൾ അക്കാദമിക് യോഗ്യതകൾ യൂണിവേഴ്സിറ്റി അംഗീകരിക്കുന്നുണ്ടോയെന്ന് ഉറപ്പുവരുത്തുക, പഠനച്ചെലവുകളെക്കുറിച്ചും അവിടുത്തെ ജീവിതരീതികളെക്കുറിച്ചും വ്യക്തമായ ധാരണയുണ്ടാക്കുക, ശാരീരികക്ഷമതയ്ക്കുള്ള വൈദ്യപരിശോധനകൾ നടത്തുക, ഇന്ത്യൻ എംബസിയുടെയും മറ്റ് അത്യാവശ്യ കോൺടാക്റ്റുകളുടെയും വിവരങ്ങൾ ശേഖരിച്ചുവെക്കുക തുടങ്ങിയ കാര്യങ്ങൾ വളരെ പ്രധാനമാണ്.
സാധാരണയായി മലയാളി വിദ്യാർത്ഥികൾ യുകെ, യുഎസ്, ഓസ്ട്രേലിയ, കാനഡ, ന്യുസീലൻഡ്, അയർലൻഡ് എന്നീ രാജ്യങ്ങളാണ് തിരഞ്ഞെടുക്കാറുള്ളതെങ്കിലും, നിലവിൽ പ്രതിവർഷം 4 ലക്ഷം രൂപയിൽ താഴെ മാത്രം ട്യൂഷൻ ഫീസുള്ള സർവകലാശാലകൾ തേടുന്നവരുടെ പ്രവണത വർദ്ധിച്ചുവരുന്നതായി സ്റ്റോക്ഓർമിലൻ സ്കൂൾ എബ്രോഡ് ഡയറക്ടർ ചൂണ്ടിക്കാണിക്കുന്നു. ജർമനി, ഓസ്ട്രിയ, ഇറ്റലി, ലത്വീരിയ, ലിത്വാനിയ, പോളണ്ട്, ചെക്ക് റിപ്പബ്ലിക്, റൊമാനിയ, ഫ്രാൻസ്, ഗ്രീസ് തുടങ്ങിയ രാജ്യങ്ങളിലേക്ക് വിദ്യാർത്ഥികൾ കൂടുതലായി ആകർഷിക്കപ്പെടുന്നത് കുറഞ്ഞ ചെലവിൽ മികച്ച കരിയർ കെട്ടിപ്പടുക്കാൻ സാധിക്കുന്നത് കൊണ്ടാണ്. എങ്കിലും, യൂണിവേഴ്സിറ്റികളും രാജ്യങ്ങളും തിരഞ്ഞെടുക്കുമ്പോൾ അതീവ ശ്രദ്ധ പുലർത്തേണ്ടതുണ്ട്. ഉയർന്ന റാങ്കുള്ള സ്ഥാപനങ്ങളും മികച്ച തൊഴിലവസരങ്ങളുള്ള നഗരങ്ങളും തിരഞ്ഞെടുക്കുന്നത് ഭാവി സുരക്ഷിതമാക്കാൻ സഹായിക്കും. നഗരങ്ങളിൽ നിന്നും ദൂരെ ഒറ്റപ്പെട്ട പ്രദേശങ്ങളിലെ കുറഞ്ഞ റാങ്കുള്ള സ്ഥാപനങ്ങൾ തിരഞ്ഞെടുത്താൽ പഠനത്തോടൊപ്പം പാർട്ടൈം ജോലികൾ കണ്ടെത്താനും കരിയർ വളർത്താനും ബുദ്ധിമുട്ടുകൾ നേരിടേണ്ടി വന്നേക്കാം.
