ഹൂസ്റ്റണിലെ പ്രവാസി മലയാളിയായ ഷാജി ഏബ്രഹാമിന്റെ ഭാര്യ ഷെർലി ഏബ്രഹാം (62) സെപ്റ്റംബർ 3-ന് നിര്യാതയായി. പരേതയുടെ ഭൗതികശരീരം ബന്ധുക്കൾക്കും സുഹൃത്തുക്കൾക്കും അന്തിമോപചാരം അർപ്പിക്കുന്നതിനായി സെപ്റ്റംബർ 6 ഞായറാഴ്ച വൈകുന്നേരം 6 മണി മുതൽ രാത്രി 9 മണി വരെ ഹൂസ്റ്റൺ വെസ്റ്റ് ഓറം ഡ്രൈവിലുള്ള സെന്റ് മേരീസ് സിറിയൻ ഓർത്തഡോക്സ് പള്ളിയിൽ പൊതുദർശനത്തിന് വെക്കുന്നതാണ്.
തുടർന്ന് നടക്കാനിരിക്കുന്ന സംസ്കാര ശുശ്രൂഷകൾ സെപ്റ്റംബർ 8 ചൊവ്വാഴ്ച രാവിലെ 9 മുതൽ ഉച്ചയ്ക്ക് 12 വരെയുള്ള സമയങ്ങളിൽ ടെക്സാസിലെ കാരൾട്ടൺ ഡൗ ക്രീക്ക് ലൈനിലുള്ള സെന്റ് ഇഗ്നേഷ്യസ് സിറിയക് ഓർത്തഡോക്സ് കത്തീഡ്രലിൽ വെച്ച് ക്രമീകരിച്ചിരിക്കുന്നു. ശുശ്രൂഷകൾക്ക് ശേഷം ഭൗതികദേഹം കാരൾട്ടണിലെ സെമിത്തേരി ഹിൽ റോഡിൽ സ്ഥിതി ചെയ്യുന്ന ഫെർണോ സെമിത്തേരിയിൽ സംസ്കരിക്കുന്നതാണ്.
