ഓട്ടവ: കാനഡയിൽ സമീപമാസങ്ങളിൽ ദൃശ്യമായ ശക്തമായ തൊഴിൽ വളർച്ചയ്ക്ക് മങ്ങലേൽപിച്ചുകൊണ്ട് ഓഗസ്റ്റ് മാസത്തിൽ 41,700 തൊഴിലുകൾ നഷ്ടപ്പെട്ടതായി ഔദ്യോഗിക കണക്കുകൾ വ്യക്തമാക്കുന്നു. വേനൽക്കാലത്തെ താൽക്കാലിക നിയമനങ്ങൾ കുറഞ്ഞതാണ് ഈ തിരിച്ചടിക്ക് പ്രധാന കാരണമായത്. എന്നാൽ, രാജ്യത്തെ മൊത്തം തൊഴില്ലായ്മ നിരക്ക് മാറ്റമില്ലാതെ 6.4 ശതമാനത്തിൽ തന്നെ തുടരുന്നത് നേരിയ ആശ്വാസം നൽകുന്നുണ്ട്. തൊഴിൽ വിപണിയിലെ തിരിച്ചടി ഏറ്റവും കൂടുതൽ ബാധിച്ചത് സർവീസ് മേഖലയെയാണ്. ബിസിനസ്, ബിൽഡിംഗ് ആന്റ് സപ്പോർട്ട് സർവീസസ്, ഹോൾസെയിൽ, റീട്ടെയ്ൽ വ്യാപാര മേഖലകൾ ഉൾപ്പെടുന്ന സർവീസ് രംഗത്താണ് ഏറ്റവും വലിയ തൊഴിൽ നഷ്ടം രേഖപ്പെടുത്തിയത്. ഇതുകൂടാതെ, യുവാക്കൾക്കിടയിലെ തൊഴില്ലായ്മ നിരക്ക് 0.3 ശതമാനം വർധിച്ച് 12.9 ശതമാനമായി ഉയർന്നിട്ടുണ്ട്.

സാമ്പത്തിക രംഗത്തെ മന്ദഗതിയുടെ പ്രതിഫലനമായി വേതന വളർച്ചയിലും കാര്യമായ ഇടിവ് സംഭവിച്ചു. സ്ഥിരം ജീവനക്കാരുടെ ശരാശരി മണിക്കൂർ വേതന വളർച്ച നിരക്ക് കഴിഞ്ഞ മാസത്തെ 3 ശതമാനത്തിൽ നിന്ന് 2 ശതമാനമായി കുറഞ്ഞു. പാൻഡെമിക് കാലഘട്ടത്തിന് ശേഷം കഴിഞ്ഞ ഏഴ് വർഷത്തിനിടയിലെ ഏറ്റവും കുറഞ്ഞ വേതന വളർച്ചാ നിരക്കാണിത്. കാനഡയിൽ വേനൽക്കാലത്ത് പ്രകടമായ ശക്തമായ തൊഴിൽ വളർച്ചയ്ക്ക് മങ്ങലേൽപിച്ചുകൊണ്ട് ഓഗസ്റ്റ് മാസത്തിൽ 41,700 തൊഴിലുകൾ നഷ്ടപ്പെട്ടതായി വെള്ളിയാഴ്ച പുറത്തുവിട്ട കണക്കുകൾ വ്യക്തമാക്കുന്നു. അതേസമയം, രാജ്യത്തെ തൊഴില്ലായ്മ നിരക്ക് 6.4 ശതമാനമായി തന്നെ തുടരുകയാണ്.

യു.എസ് പ്രസിഡന്റ് ഡൊണാൾഡ് ട്രംപ് പ്രഖ്യാപിച്ച പുതിയ 50% തീരുവയുടെ ആഘാതം സമ്പദ്‌വ്യവസ്ഥയിൽ പ്രകടമാകുന്നതിന് തൊട്ടുമുമ്പുള്ള അവസാന ലേബർ ഫോഴ്‌സ് സർവേ റിപ്പോർട്ടാണിത്. ഈ തീരുവ കാനഡയുടെ കയറ്റുമതിയുടെ ചെറിയൊരു ഭാഗത്തെ മാത്രമേ ബാധിക്കുന്നുള്ളൂവെങ്കിലും, മര ഉൽപ്പന്നങ്ങൾ ഉൾപ്പെടെയുള്ള തകർച്ചാ സാധ്യതയുള്ള വ്യവസായങ്ങളെ കേന്ദ്രീകരിച്ചായതിനാൽ തൊഴിൽ വിപണിയിലെ സമീപകാല മുന്നേറ്റം മന്ദഗതിയിലാകാൻ ഇത് കാരണമായേക്കാം. കാനഡയും യു.എസും തമ്മിലുള്ള വ്യാപാര തർക്കങ്ങൾ വർധിക്കുന്നത് വ്യാപാരത്തെ ആശ്രയിച്ചു കഴിയുന്ന മേഖലകളിൽ വീണ്ടും പിരിച്ചുവിടലുകൾക്ക് വഴിവെച്ചേക്കാമെന്ന് ഡെസ്ജാർഡിൻസിലെ മാക്രോ സ്ട്രാറ്റജി വിഭാഗം മേധാവി റോയ്സ് മെൻഡസ് പറഞ്ഞു. സാമ്പത്തിക വളർച്ചയെക്കുറിച്ചുള്ള തന്റെ പ്രവചനങ്ങൾ നേരിടുന്ന പ്രധാന വെല്ലുവിളി ഈ വ്യാപാര ബന്ധങ്ങളാണെന്നും അദ്ദേഹം കൂട്ടിച്ചേർത്തു.

ജൂലൈയിൽ 75,100 പുതിയ തൊഴിലവസരങ്ങൾ സൃഷ്ടിക്കപ്പെട്ടതിന് ശേഷം ഓഗസ്റ്റിൽ 15,000 തൊഴിലവസരങ്ങൾ വർധിക്കുമെന്നാണ് റോയിട്ടേഴ്സ് സാമ്പത്തിക വിദഗ്ദ്ധരുടെ സർവേ പ്രവചിച്ചിരുന്നത്. എന്നാൽ തൊഴില്ലായ്മ നിരക്കിൽ പ്രവചിച്ചതുപോലെ മാറ്റമൊന്നും ഉണ്ടായില്ല.

ഡാറ്റ പുറത്തുവന്നതോടെ കനേഡിയൻ ഡോളറിന്റെ മൂല്യം യു.എസ് ഡോളറിനെതിരെ 0.51 ശതമാനം ഇടിഞ്ഞ് 1.3860 കനേഡിയൻ ഡോളറിലെത്തി (72.15 യു.എസ് സെന്റ്). 2 വർഷത്തെ ഗവൺമെന്റ് ബോണ്ടുകളുടെ നിരക്ക് 1.3 ബേസിസ് പോയിന്റ് ഉയർന്ന് 2.469 ശതമാനത്തിലെത്തി. നഷ്ടപ്പെട്ട തൊഴിലുകളിൽ ഭൂരിഭാഗവും പൂർണ്ണസമയ (Full-time) ജോലികളാണ്. 35,900 പൂർണ്ണസമയ തൊഴിലുകളും 5,800 ഭാഗികസമയ (Part-time) തൊഴിലുകളും കുറഞ്ഞതായി സ്റ്റാറ്റിസ്റ്റിക്സ് കാനഡ അറിയിച്ചു. സെൻസസ് പ്രവർത്തനങ്ങളും സോക്കർ വേൾഡ് കപ്പുമായി ബന്ധപ്പെട്ട താൽക്കാലിക ജോലികളും കാരണം ഏപ്രിൽ മുതൽ ജൂലൈ വരെ 181,000 പുതിയ തൊഴിലവസരങ്ങൾ സൃഷ്ടിക്കപ്പെട്ടിരുന്നു. ഇത് സമീപകാല തൊഴിൽ കണക്കുകൾ വർധിക്കാൻ കാരണമായിരുന്നു. യു.എസ് ഏർപ്പെടുത്തിയ 18 മാസത്തിലേറെ നീണ്ട വ്യാപാര നിയന്ത്രണങ്ങൾക്കിടയിലും കനേഡിയൻ സമ്പദ്‌വ്യവസ്ഥ കരുത്ത് കാട്ടിയിരുന്നു. വിപുലമായ രീതിയിലുള്ള തൊഴിൽ പിരിച്ചുവിടലുകൾ ഇതുവരെ റിപ്പോർട്ട് ചെയ്യപ്പെട്ടിരുന്നില്ല. എന്നാൽ അടുത്ത ആഴ്ച ആദ്യം മുതൽ പ്രാബല്യത്തിൽ വരുന്ന പുതിയ യു.എസ് തീരുവകളും കാനഡയുടെ തിരിച്ചടിയും ഈ മുന്നേറ്റത്തിന്റെ വേഗം കുറയ്ക്കുമെന്നാണ് പ്രതീക്ഷിക്കുന്നത്.

ആരോഗ്യ സംരക്ഷണം, വിദ്യാഭ്യാസം, ഗതാഗതം, ധനകാര്യം എന്നിവയുൾപ്പെടെയുള്ള സർവീസ് മേഖലയിലാണ് തൊഴിൽ ശക്തിയുടെ അഞ്ചിൽ നാല് ഭാഗവും ജോലി ചെയ്യുന്നത്. ഓഗസ്റ്റിലെ തൊഴിൽ നഷ്ടത്തിന്റെ പ്രധാന ആഘാതം നേരിട്ടതും ഈ മേഖലയാണ്. Business, Building & Support Services, Wholesale, Retail Trade എന്നീ മേഖലകളുടെ നേതൃത്വത്തിൽ ഓഗസ്റ്റിൽ സർവീസ് മേഖലയിൽ മാത്രം 51,500 തൊഴിലുകൾ നഷ്ടപ്പെട്ടു. രാജ്യത്തെ തൊഴില്ലായ്മ നിരക്ക് ഇപ്പോഴും രണ്ട് വർഷത്തെ ഏറ്റവും കുറഞ്ഞ നിലയിലാണ്. കർശനമായ കുടിയേറ്റ നിയമങ്ങളും പ്രാായമാകുന്ന തൊഴിലാളി സമൂഹവും കാരണം തൊഴിൽ ശക്തിയിലുണ്ടായ മന്ദഗതിയിലുള്ള വളർച്ച കഴിഞ്ഞ കുറച്ചു മാസങ്ങളായി തൊഴില്ലായ്മ നിരക്ക് ഉയരാതെ നിർത്താൻ സഹായിച്ചിട്ടുണ്ട്. 22.63 ദശലക്ഷം വരുന്ന രാജ്യത്തെ മൊത്തം തൊഴിൽ ശക്തി (Labor Force) ഫെബ്രുവരിക്ക് ശേഷം ആദ്യമായി കുറഞ്ഞു.

യുവാക്കൾക്കിടയിലെ തൊഴില്ലായ്മ ഓഗസ്റ്റിൽ 0.3 ശതമാനം വർധിച്ച് 12.9 ശതമാനമായി. ഏപ്രിൽ മുതൽ ജൂലൈ വരെ തുടർന്ന കുറയുന്ന പ്രവണതയ്ക്കാണ് ഇതോടെ മാറ്റമുണ്ടായത്. സ്ഥിരം ജീവനക്കാരുടെ ശരാശരി മണിക്കൂർ വേതന വളർച്ചാ നിരക്ക് ഓഗസ്റ്റിൽ 2 ശതമാനമായി കുറഞ്ഞു. കഴിഞ്ഞ മാസമിത് 3 ശതമാനമായിരുന്നു. പാൻഡെമിക് കാലഘട്ടത്തിന് ശേഷം കഴിഞ്ഞ ഏഴ് വർഷത്തിനിടയിലെ ഏറ്റവും കുറഞ്ഞ വേതന വളർച്ചാ നിരക്കാണിത്. ഓഗസ്റ്റിലെ 41,700 തൊഴിലുകളുടെ വലിയ ഇടിവും വേതന വളർച്ചയിലെ മന്ദഗതിയും സമ്പദ്‌വ്യവസ്ഥ പൂർണ്ണമായി വീണ്ടെടുക്കലിലേക്ക് കടന്നു എന്ന ആശയത്തിന് തിരിച്ചടിയാണെന്ന് കാപ്പിറ്റൽ ഇക്കണോമിക്സിലെ സീനിയർ നോർത്ത് അമേരിക്കൻ ഇക്കണോമിസ്റ്റ് തോമസ് റയാൻ പറഞ്ഞു.