നോർത്ത് വെസ്റ്റ് ടെറിറ്ററീസിൽ ഹെലികോപ്റ്റർ തകർന്നു വീണ് മൂന്ന് പേർക്ക് പരുക്കേറ്റു. തലസ്ഥാന നഗരമായ യെല്ലോ നൈഫിൽ നിന്നും 375 കിലോമീറ്റർ അകലെയുള്ള ഗമേതി ഫസ്റ്റ് നേഷൻ കമ്മ്യൂണിറ്റിയിലാണ് സംഭവം. നിയന്ത്രണം നഷ്ടപ്പെട്ട ഹെലികോപ്റ്റർ തടാകത്തിലേക്ക് വീഴുകയായിരുന്നു.
ഏകദേശം മൂന്ന് മണിക്കൂർ നീണ്ട രക്ഷാപ്രവർത്തനത്തിന് ശേഷമാണ് ഹെലികോപ്റ്ററിലുണ്ടായിരുന്ന മൂന്ന് പേരെയും കണ്ടെത്തിയത്. പ്രദേശവാസികളുടെയും പ്രാദേശിക അധികൃതരുടെയും സഹായത്തോടെയായിരുന്നു രക്ഷാപ്രവർത്തനം. അപകട കാരണം വ്യക്തമല്ല. സംഭവത്തിൽ ട്രാൻസ്പോർട്ടേഷൻ സേഫ്റ്റി ബോർഡ് ഓഫ് കാനഡ (TSB) അന്വേഷണം ആരംഭിച്ചു.
