ജൂലൈയിലെ രണ്ടാമത്തെ എക്സ്പ്രസ് എൻട്രി നറുക്കെടുപ്പിൽ 2,000 അപേക്ഷകർക്ക് ‘ഇൻവിറ്റേഷൻ ടു അപ്ലൈ’ (ITA) നൽകിയതായി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) അറിയിച്ചു. ജൂലൈ 7-ന് നടന്ന കനേഡിയൻ എക്സ്പീരിയൻസ് ക്ലാസ് നറുക്കെടുപ്പിലെ കോംപ്രിഹെൻസീവ് റാങ്കിംഗ് സിസ്റ്റം കട്ട്ഓഫ് 517 ആയിരുന്നു. ഇത് മുൻ സിഇസി നറുക്കെടുപ്പിനേക്കാൾ ഒരു പോയിൻ്റ് കൂടുതലാണ്.
2026-ൽ ഇതുവരെ 36 എക്സ്പ്രസ് എൻട്രി നറുക്കെടുപ്പുകൾ ഐആർസിസി നടത്തിയിട്ടുണ്ട്. ഈ വർഷം ഇതുവരെ നടന്ന എക്സ്പ്രസ് എൻട്രി നറുക്കെടുപ്പുകളിൽ കാനഡയിൽ ഇതിനകം തൊഴിൽ പരിചയമുള്ളവർക്കും പ്രവിശ്യാ നോമിനേഷൻ ലഭിച്ചവർക്കുമാണ് പ്രഥമ പരിഗണ ലഭിച്ചിട്ടുള്ളത്. 2026-ൽ, ഐആർസിസി എല്ലാ എക്സ്പ്രസ് എൻട്രി നറുക്കെടുപ്പുകളിലൂടെയായി 91,601 ITA-കൾ നൽകിയിട്ടുണ്ട്.
