2026 ലെ ദുക്റാന തിരുന്നാളിനു ജൂൺ 28 ഞായറാഴ്ച വൈകുന്നേരം പരിശുദ്ധ കുർബ്ബാനയോടെയും യുക്രൈസ്റ്റിക് പ്രോസെഷനോടും കൂടി കൊടിയേറി. മാർ ജോയ് ആലപ്പാട്ട് മുഖ്യകാർമ്മികത്വം വഹിച്ചു. തിരുനാളിനോടനുബന്ധിച്ച് ഓരോ ദിവസവും വിശുദ്ധ കുർബാനയും മാർത്തോമാ ശ്ലീഹായുടെ നൊവേനയും നടക്കും. ജൂലൈ മൂന്നിന് വൈകുന്നേരം വിശുദ്ധ കുർബ്ബാനയ്ക്ക് ശേഷം കൺസെർട്ട് നൈറ്റ് ഒരുക്കിയിട്ടുണ്ട്. ജൂലൈ അഞ്ച് വൈകുന്നേരം അഞ്ചു മണിക്ക് ഇംഗ്ലീഷ് രാസകുർബ്ബാന. തുടർന്ന് കത്തീഡ്രൽ കൾച്ചറൽ അക്കാദമിയുടെ നേതൃത്വത്തിൽ കലാസന്ധ്യ. ജൂലൈ 5 തിരുന്നാൾ ദിനത്തിൽ വൈകുന്നേരം വിശുദ്ധ കുർബ്ബാന, സ്നേഹവിരുന്ന്.
ഇടവക വികാരി റവ. ഫാ. തോമസ് കാടുകാപ്പിള്ളിൽ, അസിസ്റ്റൻ്റ് വികാരി റവ. ഫാ. ജോയൽ പയസ് എന്നിവരുടെ നേതൃത്വത്തിലാണ് ദുക്റാന തിരുനാൾ ആഘോഷങ്ങൾ നടക്കുന്നത്. സിബി ഫ്രാൻസിസ്, ജോ വടകര, അൽഫോൻസ തോമസ്, ജോബിൻ തോമസ്, സിനി കാപ്പിൽ, ഫിൽസി മൂലയിൽ, കൈക്കാരന്മാരായ ജയിംസ് ജോൺ, റോയ് ജോസഫ്, ബോബി ചിറയിൽ, വിവിഷ് ജേക്കബ്, ആദിത്യ ജോസ്, അലീഷ ജോർജ് തുടങ്ങിയവർ തിരുനാൾ കോർഡിനേറ്റർമാരായി പ്രവർത്തിക്കുന്നു.
