ദി പെന്തെക്കോസ്ത് മിഷൻ സഭകളുടെ രാജ്യാന്തര കൺവൻഷനായ ന്യൂ ടെസ്റ്റ്മൻ്റ് ചർച്ച് കൺവൻഷൻ ജൂലൈ 8 മുതൽ 12 വരെ പെൻസൽവേനിയ ഇന്ത്യാനാ യൂണിവേഴ്സിറ്റി കൺവൻഷൻ സെന്‍ററിൽ നടക്കും. വ്യാഴം – വെള്ളി ദിവസങ്ങളിൽ രാവിലെ 10:00 ന് പൊതുയോഗം ഉച്ചയ്ക്ക് 2:00 മുതൽ 4: 00 വരെ യുവജന സെമിനാർ, കുട്ടികൾക്കായുള്ള സെമിനാർ, ശനിയാഴ്ച രാവിലെ 10:00ന് പൊതുയോഗവും ഉച്ചയ്ക്ക് 2:00 മുതൽ 4:00 വരെ ഉപവാസ പ്രാർത്ഥനയും ദിവസവും വൈകിട്ട് 7:00 ന് ഗാനശുശ്രൂഷ സുവിശേഷ പ്രസംഗം, രോഗശാന്തി ശുശ്രൂഷ എന്നിവ ഉണ്ടായിരിക്കും.
യുഎസ്, കാനഡ, മെക്സിക്കോഎന്നിവിടങ്ങളിൽ നിന്നും ഇന്ത്യാ ഗൾഫ്, ആഫ്രിക്ക തുടങ്ങി വിവിധ രാജ്യങ്ങളിൽ നിന്നുള്ള മൂവായിരത്തോളം ശുശ്രൂഷകരും വിശ്വാസികളും കൺവെൻഷനിൽ പങ്കെടുക്കും. സഭയുടെ ചീഫ് പാസ്റ്റർ, പ്രധാന ശുശ്രൂഷകർ എന്നിവർ പ്രസംഗിക്കും. സമാപന ദിവസമായ ജൂലൈ 12 ഞായറാഴ്ച രാവിലെ ഒൻപതിന് ന്യൂയോർക്ക്, ഷിക്കാഗോ,ഡാലസ്, ഹ്യൂസ്റ്റൺ, ഒർലാൻഡോ, ഒക്കലഹോമ, വാഷിങ്ടൺ, തുടങ്ങി അമേരിക്കയിലെ 40 പ്രാദേശിക സഭകളിലെയും കാനഡ, മെക്സിക്കോ എന്നീ രാജ്യങ്ങളിലെയും നൂറിലധികം ശുശ്രൂഷകരും ആയിരക്കണക്കിന് വിശ്വാസികളും പങ്കെടുക്കുന്ന സംയുക്ത സഭാ ആരാധനയോടെ കൺവൻഷൻ സമാപിക്കും.
