ഏറ്റവും പുതിയ ഹെൽത്ത് കെയർ ആൻഡ് സോഷ്യൽ സർവീസസ് ഒക്യുപേഷൻസ് എക്സ്പ്രസ് എൻട്രി നറുക്കെടുപ്പിൽ 4,000 അപേക്ഷകർക്ക് ഇൻവിറ്റേഷൻ നൽകിയതായി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) അറിയിച്ചു. ജൂൺ 25-ന് നടന്ന ഈ നറുക്കെടുപ്പിൽ കോംപ്രിഹെൻസീവ് റാങ്കിംഗ് സിസ്റ്റം സ്കോർ 475 ഉള്ള അപേക്ഷകരെയാണ് പരിഗണിച്ചത്.

2026 ലെ മൂന്നാമത്തെ ഹെൽത്ത് കെയർ കാറ്റഗറി നറുക്കെടുപ്പാണിത്. ഫെബ്രുവരി 20-നായിരുന്നു ആദ്യ ഹെൽത്ത് കെയർ കാറ്റഗറി നറുക്കെടുപ്പ് നടന്നത്. ജൂൺ 22 മുതൽ തുടർച്ചയായി നാല് ദിവസങ്ങളിൽ നടന്ന എക്പ്രസ് എൻട്രി നറുക്കെടുപ്പിൽ 9,226 അപേക്ഷകർക്ക് ഐആർസിസി ഇൻവിറ്റേഷൻ നൽകി. ഈ വർഷത്തെ 34-ാമത് എക്‌സ്പ്രസ് എൻട്രി നറുക്കെടുപ്പുമായിരുന്നു ഇന്നലെ നടന്നത്. 2026-ൽ, ഇതുവരെ IRCC 89,067 ITAകൾ ഇഷ്യൂ ചെയ്തിട്ടുണ്ട്.