Louise Arbour becomes Canada’s new governor generalകാനഡയുടെ 31-ാമത് ഗവർണർ ജനറലായി മുൻ സുപ്രീം കോടതി ജസ്റ്റിസ് ലൂയിസ് അർബർ ഇന്ന് ചുമതലയേൽക്കും. 2021-ൽ കാനഡയിലെ ആദ്യത്തെ തദ്ദേശീയ വൈസ് റീഗലായി തിരഞ്ഞെടുക്കപ്പെട്ട മേരി സൈമണിന് പകരക്കാരിയായാണ് അർബർ സ്ഥാനാരോഹതിയാകുന്നത്. കാനഡ സെനറ്റ് കെട്ടിടത്തിൽ രാവിലെ 10 മണിയോടെ ആരംഭിക്കുന്ന ചടങ്ങിൽ മേരി സൈമൺ, പ്രധാനമന്ത്രി മാർക്ക് കാർണി, ചീഫ് ജസ്റ്റിസ് റിച്ചാർഡ് വാഗ്നർ, ഹൗസ് ഓഫ് കോമൺസ് സ്പീക്കർ ഫ്രാൻസിസ് സ്കാർപലെഗ്ഗിയ, അസംബ്ലി ഓഫ് ഫസ്റ്റ് നേഷൻസ് ദേശീയ മേധാവി സിൻഡി വുഡ്ഹൗസ് നെപിനാക് എന്നിവർ പങ്കെടുക്കും. തുടർന്ന് ഗവർണർ ജനറലായി ആർബർ തന്‍റെ ആദ്യ പ്രസംഗം നടത്തും.

ലൂയിസ് ആർബർ ഹേഗിൽ യുഎൻ മനുഷ്യാവകാശ കമ്മീഷണറായും ചീഫ് പ്രോസിക്യൂട്ടറായും സേവനമനുഷ്ഠിച്ചിട്ടുണ്ട്. കൂടാതെ 79 വയസ്സുള്ള ആർബർ മുൻ യുഗോസ്ലാവിയയ്ക്കും റുവാണ്ടയ്ക്കും വേണ്ടിയുള്ള അന്താരാഷ്ട്ര ക്രിമിനൽ ട്രൈബ്യൂണലുകളിൽ ചീഫ് പ്രോസിക്യൂട്ടറായിരുന്നു.