ക്നാനായ റീജിയന് യൂത്ത് മിനിസ്ട്രിയുടെ നേതൃത്വത്തില് യുവജനങ്ങള്ക്കായുള്ള അവധിക്കാല ധ്യാനം ജൂണ് 11 മുതല് 14 വരെ നടക്കും. ഡാലസിലെ ക്യാമ്പ് കോമ്പസ് ധ്യാന കേന്ദ്രത്തില് നടക്കുന്ന ധ്യാനത്തിന് ഫാ. കെവിന് മുണ്ടയ്ക്കല് , ബ്രദര്: റെജി മുട്ടം എന്നിവർ നേതൃത്വം നൽകും. രജിട്രേഷന് ആരംഭിച്ചതായി യൂത്ത് മിനിസ്ട്രി വക്താവ് അറിയിച്ചു. ജൂണ് 11 വ്യാഴം വൈകുന്നേരം 4 മണിക്ക് ആരംഭിക്കുന്ന ധ്യാനം 14 ഞായര് ഉച്ചയ്ക്ക് സമാപിക്കും.
ഹെസ്കൂള് വിദ്യാര്ത്ഥികള് മുതല് 25 വയസ്സ് വരെ ഉള്ള ക്നാനായ റീജിയന്റെ വിവിധ ഇടവകയില് നിന്നും മിഷനില് നിന്നുമുളള യുവജനങ്ങളാണ് ധ്യാനത്തിൽ പങ്കെടുക്കുന്നത്. ക്നാനായ റീജിയന് യൂത്ത് മിനിസ്ട്രി ഡയറക്ടര് ഫാ. ബിന്സ് ചേത്തലിന്റെയും ഡാലസ് ഇടവക യൂത്ത് മിനിസ്ട്രി എക്സിക്യൂട്ടീവ് അംഗങ്ങളുടെയും നേതൃത്വത്തില് ഒരുക്കങ്ങള് പുരോഗമിക്കുന്നു.
