വരള്ച്ച രൂക്ഷമായതോടെ, നോവസ്കോഷയിലെ കര്ഷകര്ക്ക് കൈത്താങ്ങാവാന് പ്രവിശ്യാ സര്ക്കാര്. ജലലഭ്യത വര്ധിപ്പിക്കുന്നതിനായുള്ള ‘ഓണ്-ഫാം വാട്ടര് മാനേജ്മെന്റ് പ്രോഗ്രാമിന്’ കൂടുതല് ഫണ്ട് അനുവദിക്കുമെന്ന് സര്ക്കാര് വക്താക്കള് അറിയിച്ചു. 4.75 ലക്ഷം ഡോളറിന്റെ നിക്ഷേപം ഉപയോഗിച്ച് കിണറുകള്, കുളങ്ങള് തുടങ്ങിയ ജലസേചന പദ്ധതികള് നടപ്പിലാക്കും.
ഈ വര്ഷത്തെ വരള്ച്ച, കൃഷിക്കും ഭക്ഷ്യസുരക്ഷയ്ക്കും ജലത്തിന്റെ പ്രാധാന്യം എത്രത്തോളം ഉണ്ടെന്ന് കാണിച്ചുതന്നതായി നോവസ്കോഷ ഫെഡറേഷന് ഓഫ് അഗ്രികള്ച്ചര് പ്രസിഡന്റ് പറഞ്ഞു. നിലവിലുള്ള അപേക്ഷകള്ക്ക് സഹായം നല്കാനും പുതിയ അപേക്ഷകള് ക്ഷണിക്കാനും ഈ ഫണ്ട് ഉപയോഗിക്കും. വരള്ച്ചാ സമയത്തും കാട്ടുതീ സാധ്യതയുള്ളപ്പോഴും കര്ഷകരെ സഹായിക്കുകയാണ് ‘ഓണ്-ഫാം വാട്ടര് മാനേജ്മെന്റ്’ പദ്ധതിയുടെലക്ഷ്യം.
