യുഎസ് ഇമിഗ്രേഷന് ആന്ഡ് കസ്റ്റംസ് എന്ഫോഴ്സ്മെന്റ് (ഐസിഇ) ഏകദേശം 55 കനേഡിയന് പൗരന്മാരെ കസ്റ്റഡിയിലെടുത്തതായി വിദേശകാര്യ മന്ത്രി അനിത ആനന്ദ്.
അമേരിക്കയില് മാത്രമല്ല, ലോകമെമ്പാടുമുളള കനേഡിയന് പൗരന്മാരോട് നീതിപൂര്വ്വം പെരുമാറുന്നുണ്ടെന്ന് ഉറപ്പാക്കാന് ഗ്ലോബല് അഫയേഴ്സ് കാനഡയിലെ കോണ്സുലര് ഉദ്യോഗസ്ഥര് കഠിനമായി പരിശ്രമിക്കുന്നതായി അനിത ആനന്ദ് പറഞ്ഞു. അതേസമയം , ജൂണ് 23 ന് ഐസിഇ കസ്റ്റഡിയില് മരിച്ച കനേഡിയന് പൗരനെ മെയ് 15 ന് ഐസിഇ കസ്റ്റഡിയിലെടുത്തതു മുതല് അദ്ദേഹവുമായി കോണ്സുലര് ഉദ്യോഗസ്ഥര് ബന്ധപ്പെട്ടിരുന്നുവെന്ന് അനിത ആനന്ദ് വ്യക്തമാക്കി.
