പോപ്പിന്റെ ഔദ്യോഗിക സ്ഥാനാരോഹണ ചടങ്ങിന് ശേഷം പ്രധാനമന്ത്രി മാര്ക്ക് കാര്ണി ലിയോ പതിനാലാമന് മാര്പാപ്പയുമായി കൂടിക്കാഴ്ച നടത്തി. ഭാര്യ ഡയാനയ്ക്കും മകള്ക്കൊപ്പവുമാണ് മാര്ക്ക് കാര്ണി സെന്റ് പീറ്റേഴ്സ് ബസിലിക്കയില് മാര്പാപ്പയുമായി കൂടിക്കാഴ്ച്ച നടത്തിയത്.
റോമില് കാര്ണി മറ്റ് ലോക നേതാക്കളുമായും ചര്ച്ച നടത്തി. ഓസ്ട്രേലിയ, ക്രൊയേഷ്യ, അയര്ലന്ഡ് എന്നീ രാജ്യങ്ങളുടെ പ്രധാനമന്ത്രിമാരുമായും ഇസ്രയേല്, നൈജീരിയ എന്നീ രാജ്യങ്ങളുടെ പ്രസിഡന്റുമാരുമായും അദ്ദേഹം സംസാരിച്ചു. യുക്രെയ്ന് പ്രസിഡന്റ് വ്ളോഡിമിര് സെലന്സ്കിയുമായും കൂടിക്കാഴ്ച നടത്തി. യുക്രെയ്നിന് ശക്തമായ പിന്തുണ നല്കുമെന്നും കൂടിക്കാഴ്ചയില് മാര്ക്ക് കാര്ണി ആവര്ത്തിച്ചു.
